Mose V, 15:11 - BAIBLO ALOO NGMAMI KLƆUKLƆU Ɔ

¹¹ Be tsuaa be ɔ, ohiatsɛmɛ komɛ maa hi nyɛ nyɛmimɛ Israel fɔfɔɛ ɔmɛ a kpɛti nɛ e fi mɛ kɛ̃; lɔ ɔ he ɔ, i ngɛ mo fae ke o bli o dɛ mi ha mɛ.

Mose V, 15:11 ပူးပေါင်းရင်းမြစ်များ

Marko 14:7

Ohiatsɛmɛ ɔmɛ ɔ, nyɛɛ kɛ mɛ ngɛ daa, nɛ be tsuaa be nɛ nyɛ suɔ ɔ, nyɛ ma nyɛ maa pee mɛ kpakpa; se imi lɛɛ pi daa nɛ i kɛ nyɛ maa hi si.

Mateo 26:11

Ejakaa nyɛɛ kɛ ohiatsɛmɛ ɔmɛ maa hi si daa; se imi lɛɛ pi daa nɛ i kɛ nyɛ maa hi si.

Yohane 12:8

Ohiatsɛmɛ ɔmɛ ɔ, nyɛɛ kɛ mɛ ngɛ daa, se imi lɛɛ pi daa nɛ i kɛ nyɛ maa hi si.”

Mose V, 15:8

Bli o dɛ mi ha nɔ nɛ e fi lɛ ɔ, nɛ o pa lɛ bɔ nɛ maa su lɛ.

Abɛ Womi 22:2

Niatsɛ, kɛ ohiatsɛ ɔ, nimli kake too ji mɛ; Yawɛ lɛ pee mɛ tsuo.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Ni Tsumi 2:45

A jua a zugba amɛ, kɛ a weto ní tsuo, nɛ a dla sika a ngɔ ha ni ɔmɛ tsuo bɔ nɛ he hia nɔ tsuaa nɔ.

Mateo 5:42

Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Mose V, 15:7

“Ke Israel fɔfɔɛ ko dɛ mi ba ta ngɛ ma amɛ a mi ngɛ zugba a nɛ Yawɛ, o Mawu ɔ ngɔ kɛ ngɛ mo hae ɔ nɔ ɔ, koo pee kpɛle nɛ o nyɛ lɛ nɔ́ he.

Abɛ Womi 31:20

E naa ohiatsɛ mɔbɔ, nɛ e bɔleɔ nine kɛ haa nɔ nɛ e fi lɛ.

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Mose II, 23:11

Se jeha nɛ ji kpaago ɔ lɛɛ ngmɛɛ ngmɔ ɔ he nɛ e fɔ si gu nɛ e jɔɔ e he, nɛ o ko ya kpa e nɔ ní, bɔ nɛ pee nɛ o ma a mi ohiatsɛmɛ ɔmɛ nɛ a ye e nɔ ní, konɛ nɔ́ nɛ maa piɛ ɔ, pu mi lohwehi hu nɛ a ye. O wai ngmɔ ɔmɛ kɛ oliv abɔɔ ɔmɛ hu, mo tsu a mi ní jã kɛ̃.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.