Mose V, 15:10 - BAIBLO ALOO NGMAMI KLƆUKLƆU Ɔ

¹⁰ Ha lɛ nɔ́ nɛ ngɛ lɛ hiae ɔ faa nɛ kpɛle peemi be mi. Ke o pee ja a, Yawɛ maa gbaa mo ngɛ nɔ́ tsuaa nɔ́ nɛ o ngɛ tsue ɔ mi.

Mose V, 15:10 ပူးပေါင်းရင်းမြစ်များ

Abɛ Womi 22:9

Nɔ nɛ mi mi jɔ ɔ, a gbaa lɛ, ejakaa e ngɔɔ e niye ní kɛ haa ohiatsɛmɛ.

Fiɛlɔ 11:1

Mo sake o nɔ́ kpakpa ko ngɔ fɔ nyu hɛ, nɛ hwɔɔ se ko ɔ, o ma ba ná he se.

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

Yesaya 58:10

jehanɛ, ke hwɔ ngɛ nɔ ko yee, nɛ nyɛ ha lɛ ní, loo nɔ́ ko hia nɔ ko, nɛ nyɛ ha lɛ ɔ, lɛɛ diblii kpii nɛ bɔle nyɛ ɔ ma plɛ pee la nɛ ngɛ kpɛe hleii kaa piani.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

Mose V, 14:19

“Lohwe tsɔwi nɛ tee ɔ tsuo a he tsɔ we; nyɛ ko ye.

Mose V, 14:29

Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

Mose V, 15:18

E ko wa ha mo kaa o maa ngmɛɛ nyɔguɛ ko he nɛ e ye e he. Ke o maa bu nya a, e sɔmɔ mo jeha ekpa sɔuu, nɛ apaatsɛ hiɔwo fa pɛ o puɛ ngɛ e he. Pee bɔ nɛ i ngɛ mo dee nɛ ɔ, nɛ Yawɛ, o Mawu ɔ maa gbaa o nine nya ní tsumi tsuo nɔ.

Mose V, 15:4

Ohiatsɛ be nyɛ kpɛti hie; ejakaa Yawɛ, o Mawu ɔ maa gbaa mo ngɛ zugba a nɛ e ngɔ kɛ ngɛ mo hae kaa o weto ní ɔ nɔ.

Mose V, 23:20

Se ke o pa nɔ́ ko ha nɔ nɛ pi Israel no ji lɛ ɔ, o ma nyɛ ma he lɛ hekpa. Ke o ye mlaa nɛ ɔ nɔ ɔ, Yawɛ, o Mawu ɔ maa gbaa nɔ́ tsuaa nɔ́ nɛ o ma tsu ngɛ zugba a nɛ o yaa ngɔ ɔ nɔ ha mo.

Mose V, 24:19

“Ke o bua o ngmɔ niba ní nya, nɛ e piɛ blɛfo nɛ o kpɔ pue si ɔ eko nɛ o ngɔɛ kɛ bɛ we mi ɔ, koo kpale ya kukuɔ; mo si ha nibwɔhi, awusahi, kɛ yalɔyihi, konɛ Yawɛ, o Mawu ɔ nɛ gbaa nɔ́ tsuaa nɔ́ nɛ o ngɛ tsue nɔ ha mo.

Mose V, 28:8

“Yawɛ, nyɛ Mawu ɔ maa gbaa nyɛ ní tsumi nɔ, nɛ nyɛ gba amɛ ma hyi tɔtɔɔtɔ. E maa gbaa nyɛ ngɛ zugba a nɛ e kɛ ngɛ nyɛ hae ɔ nɔ.

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.