Mose V, 14:8 - BAIBLO ALOO NGMAMI KLƆUKLƆU Ɔ

⁸ Nyɛ ko ye kpotoo. E he tsɔ we; ejakaa a gba e nane kokloto mi lɛɛ, se e gɔle we nɔ́ nɛ e yeɔ nɛ e taa ekohu. Nyɛ ko ye lohwe nɛ ɔmɛ a lo, nɛ nyɛ ko ta a gbogboe he hulɔ.

Mose V, 14:8 ပူးပေါင်းရင်းမြစ်များ

2 Petro 2:22

Nɔ́ nɛ ba a nɔ ɔ tsɔɔ kaa abɛ nɛ ɔmɛ ngɛ mi niinɛ: “Gbe kpaleɔ kɛ yaa lɛ nitsɛ e vie he,” kɛ “Kpotoo nɛ a du ha lɛ ɔ kpaleɔ ya wuɔ mɔsɔ ekohu.”

Yesaya 66:17

Yawɛ ke, “Nihi nɛ tsukɔɔ a he, nɛ a peeɔ a he klɔuklɔu kɛ haa wɔ jami, nɛ a toɔ slɛnɛɛ kɛ yaa abɔɔhi a mi ya yeɔ kpotoo lo, kɔkue, kɛ níhi nɛ a hiee ɔ, a nyagbe maa pee gbeye.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yesaya 65:4

nyɔ mi tsuo a hii yɔkɔhi a mi, kɛ hehi nɛ e sɛ́ nɛ a na mɛ ngɛ; kpotoo lo pohu a yeɔ, kɛ flɔɔ nɛ a ngɔ níhi nɛ a hiee kɛ pee ngɛ a tsesihi a mi.

Mose III, 5:2

Ke nɔ ko li e he be, nɛ e ya ta nɔ́ ko nɛ he tsɔ we he, we mi lohwe gbogboe jio, nga mi lohwe gbogboe jio, lohwe tsɔwi a gbogboe jio, nɔ́ nɛ e pee ɔ woɔ e he mu nɛ, e yeɔ fɔ.

Mose III, 11:3

Lohwe tsuaa lohwe nɛ a gba e nane koklotohi a mi, nɛ e gɔleɔ nɔ́ nɛ e ye ɔ nɛ e kpaleɔ taa ekohu ɔ, nyɛ ma nyɛ maa ye.

Mose V, 14:7

Se kɛ̃ ɔ, lohwehi nɛ gɔleɔ nɔ́ nɛ a yeɔ, nɛ a kpale taa ekohu, nɛ́ ngɛ nane kokloto nɛ nyɛ ko ye ji afukpɔngɔ, alɔngɔ, kɛ tɛ sa nɔ kpi. A gɔleɔ nɔ́ nɛ a yeɔ nɛ a kpale taa ekohu lɛɛ, se a gba we a nane kokloto mi; lɔ ɔ he ɔ, a he tsɔ we.

Mose V, 14:9

“Nyɛɛ ye nyu mi lo nɛ ngɛ se mi mio, nɛ toto ha e he,