Mose V, 14:29 - BAIBLO ALOO NGMAMI KLƆUKLƆU Ɔ

²⁹ Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

Mose V, 14:29 ပူးပေါင်းရင်းမြစ်များ

La 41:1

A gbaa nɔ nɛ susuɔ nihi nɛ a ní ngɛ mɔbɔ a he; ke haomi ba e nɔ ɔ, Yawɛ maa piɛ e he.

La 41:2

Yawɛ maa bu e he, nɛ e yi ma na wami. Yawɛ maa gbaa lɛ ngɛ zugba a nɔ, nɛ e be e he ngmɛɛe kɛ ha e he nyɛli.

La 94:6

A ngɛ yalɔyihi, kɛ awusahi gbee; nibwɔhi nɛ ngɛ wa zugba a nɔ hu, a ngɛ a muɔ si puee ja nɔuu.

Abɛ Womi 11:24

Ni komɛ haa nɔ nɔ́, se kɛ̃ ɔ, a naa ní babauu. Ni komɛ hu, nɔ́ nɛ sa kaa a ha nɔ ɔ, a peeɔ he kpɛle, se a yeɔ ohia.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Mose III, 19:34

Ke nɔ ko ba to nyɛ nubwɔ ɔ, nyɛɛ bu lɛ kaa ma a mi no nɔuu. Moo suɔ lɛ kaa bɔ nɛ o suɔ mo nitsɛ o he ɔ; ejakaa nyɛ hu nyɛ ya to nubwɔ hyɛ ngɛ Egipt zugba a nɔ. Imi ji Yawɛ, nyɛ Mawu ɔ nɛ.

Mose IV, 18:20

Enɛ ɔ se ɔ, Yawɛ de Aaron ke, “O be weto ní ko nae ngɛ Israel zugba a nɔ, nɛ blɔ fa mi nɔ ko hu o be nae. Imi ji o blɔ fa mi nɔ, kɛ o weto ní ngɛ Israel bi ɔmɛ a kpɛti.”

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Mose V, 10:9

Lɔ ɔ he je nɛ Levi wɛtso ɔ na we zugba ko kaa bɔ nɛ wɛtso kpa amɛ na a nɛ. Blɔ nya nɛ Levi bi ɔmɛ na ji kaa a pee Yawɛ osɔfohi kaa bɔ nɛ Yawɛ, nyɛ Mawu ɔ wo si ɔ.)

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 14:27

“Nyɛ ko si Levi bi ɔmɛ nɛ ngɛ nyɛ ma amɛ a mi ɔ se; mɛɛ lɛɛ a be weto ní ko ngɛ nyɛ kpɛti.

Mose V, 15:10

Ha lɛ nɔ́ nɛ ngɛ lɛ hiae ɔ faa nɛ kpɛle peemi be mi. Ke o pee ja a, Yawɛ maa gbaa mo ngɛ nɔ́ tsuaa nɔ́ nɛ o ngɛ tsue ɔ mi.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Mose V, 28:8

“Yawɛ, nyɛ Mawu ɔ maa gbaa nyɛ ní tsumi nɔ, nɛ nyɛ gba amɛ ma hyi tɔtɔɔtɔ. E maa gbaa nyɛ ngɛ zugba a nɛ e kɛ ngɛ nyɛ hae ɔ nɔ.

Mose V, 6:11

wehi kɛ a mi ní kpakpahi babauu nɛ pi nyɛ nɛ nyɛ wo a mi ní ɔmɛ, nyu vuhi nɛ pi nyɛ nɛ nyɛ tsua, wai ngmɔhi, kɛ oliv tsohi nɛ pi nyɛ nɛ nyɛ du ɔ, ke nyɛ na ní nɛ ɔmɛ nɛ nyɛ ye, nɛ nyɛ tɔ ɔ,

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.