Mose V, 14:28 - BAIBLO ALOO NGMAMI KLƆUKLƆU Ɔ

²⁸ Jeha etɛ tsuaa jeha etɛ nyagbe ɔ, nyɛ bua nyɛ ngmɔ niba ní ɔmɛ a mi dlami nyɔngmanyɔngma mi kakaaka a tsuo nya kɛ ba to ngɛ nyɛ ma amɛ a mi.

Mose V, 14:28 ပူးပေါင်းရင်းမြစ်များ

Mose V, 14:22

“Nyɛ je nyɛ ngmɔ niba ní mi mi dlami nyɔngma mi kake kɛ to daa jeha.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Kronika II, 31:6

Nihi tsuo nɛ ngɛ Yuda ma amɛ a mi ɔ, ngɔ a na amɛ, kɛ a jijɔ ɔmɛ a mi dlami nyɔngmanyɔngma mi kakaaka kɛ ba. A ngɔ nike níhi hu babauu kɛ ba, nɛ a ba pee mɛ klɔuklɔu kɛ ha Yawɛ, a Mawu ɔ.