Mose V, 14:26 - BAIBLO ALOO NGMAMI KLƆUKLƆU Ɔ

²⁶ Nyɛɛ ngɔ sika a kɛ he nɔ́ tsuaa nɔ́ nɛ nyɛ suɔ, na, wai, loo dã nɛ nya wa, konɛ nyɛɛ kɛ nyɛ weku li nɛ ye ní, nɛ nyɛ bua nɛ jɔ nyɛ he saminya ngɛ Yawɛ, nyɛ Mawu ɔ hɛ mi.

Mose V, 14:26 ပူးပေါင်းရင်းမြစ်များ

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

La 106:14

A ya di jiklɔɔ níhi a se ngɛ nga a nɔ; a pee enɛ ɔ kɛ ka Mawu.

Mose V, 26:11

Mo nya ngɛ ní kpakpahi nɛ Yawɛ ha o kɛ o we ɔ he. Ha nɛ Levi no, kɛ nubwɔ nɛ kɛ mo ngɛ ɔ nɛ a piɛ o he kɛ nya.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

1 Korintobi 10:6

Ní nɛ ɔmɛ tsuo ba mi kaa okadihi nɛ a to wɔ, konɛ wa ko ha yayami nɛ pee wɔ akɔnɔ kaa bɔ nɛ e pee mɛ ɔ.

Marko 11:15

Benɛ a su Yerusalem ɔ, Yesu ya sɔlemi we ɔ, nɛ e bɔni nihi nɛ ngɛ ní juae, kɛ ni nɛmɛ nɛ ngɛ ní hee ngɛ lejɛ ɔ fiemi. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si.

Ezra 7:22

Níhi nɛ e ma bi nyɛ ɔ, nyɛ ha lɛ kɛ yaa su kaa kikɛ nɛ ɔ: sika hiɔ kilo 3,400; ngma kilo 10,000; wai tɔ nyingmi enuɔ oliv nu tɔ nyingmi enuɔ kɛ ngo bɔ tsuaa bɔ.

Mose V, 12:15

“Se kɛ̃ ɔ, nyɛ ma nyɛ maa gbe nyɛ lohwe ɔmɛ nɛ nyɛɛ ye ngɛ nyɛ hi he ɔmɛ. Nyɛɛ ye bɔ nɛ nyɛ suɔ, kaa bɔ nɛ Yawɛ, nyɛ Mawu dloo nyɛ ɔ. Nɔ tsuaa nɔ nɛ ye; ke ngɛ kɔ nya a, nɔ ɔ he tsɔ jio, e he tsɔ we jio, e ye kaa bɔ nɛ nyɛ yeɔ bayelɔ, loo avugbɛ lo ɔ.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 14:25

lɛɛ nyɛɛ jua ní ɔmɛ, nɛ nyɛɛ kɛ sika a nɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.