Mose V, 14:23 - BAIBLO ALOO NGMAMI KLƆUKLƆU Ɔ

²³ Lɔ ɔ se ɔ, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛɛ ye nyɛ blɛfo, wai, kɛ oliv nu mi dlami nyɔngmanyɔngma mi kakaaka a, kɛ nyɛ na amɛ, kɛ to ɔmɛ a kekleekle bi ɔmɛ ngɛ Yawɛ hɛ mi. Nyɛɛ pee enɛ ɔ kɛ kase bɔ nɛ nyɛ maa ye Yawɛ, nyɛ Mawu ɔ gbeye nyɛ wami be tsuo.

Mose V, 14:23 ပူးပေါင်းရင်းမြစ်များ

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose IV, 15:20

Nyɛɛ ngɔ nyɛ kekleekle ma a kɛ sã abolo, nɛ nyɛɛ ngɔ kɛ ba Yawɛ hɛ mi kaa nike ní klɛdɛɛ. Bɔ nɛ nyɛ ngɔɔ blɛfo he nɛ nyɛ kpɔ ba haa Yawɛ kaa nike ní klɛdɛɛ ɔ, ja nɔuu nyɛɛ pee enɛ ɔ hulɔ.

La 2:11

Nyɛ sɔmɔ Yawɛ kɛ gbeye yemi.

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

Yesaya 8:13

O hɛ nɛ hi nɔ kaa imi Yawɛ Tabohiatsɛ ɔ, i ngɛ klɔuklɔu; imi ji nɔ nɛ sa kaa o ye gbeye.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 12:14

Nyɛɛ sã bɔ ɔmɛ ha Yawɛ ngɛ he kake nɛ lɛ nitsɛ e maa to ngɛ nyɛ wɛtso ɔmɛ a kpɛti kake zugba mi ɔ pɛ. Lejɛ ɔ pɛ nyɛɛ sã nyɛ bɔ ɔmɛ nɛ nyɛ maa sã a, nɛ nyɛɛ pee ní kpa amɛ tsuo nɛ i fa nyɛ ke nyɛɛ pee ɔ ngɛ.