Mose V, 14:22 - BAIBLO ALOO NGMAMI KLƆUKLƆU Ɔ

²² “Nyɛ je nyɛ ngmɔ niba ní mi mi dlami nyɔngma mi kake kɛ to daa jeha.

Mose V, 14:22 ပူးပေါင်းရင်းမြစ်များ

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Mose V, 12:17

Nyɛ ko ye níhi nɛ nyɛ kɛ ke Yawɛ, nyɛ Mawu ɔ ekoeko ngɛ nyɛ hi he ɔmɛ, nyɛ blɛfo mi dlami nyɔngmanyɔngma mi kakaaka a jio, nyɛ wai jio, nyɛ oliv nu jio, loo nyɛ na amɛ kɛ to ɔmɛ a kekleekle bi ɔmɛ eko jio, nike níhi nɛ nyɛ wo si kaa nyɛɛ kɛ ma ha Yawɛ ɔ eko jio, nɔ́ nɛ je nyɛ tsui mi faa jio, loo bɔ kpa komɛ jio.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Mose I, 28:22

Kaimi tɛ nɛ ɔ nɛ i ngɔ ma si kaa titima nɛ ɔ, maa pee he nɛ a ma ja mo ngɛ; nɛ nɔ́ tsuaa nɔ́ nɛ o ma ha mi ɔ, ma ngɔ e mi dlami nyɔngma mi kake kɛ ha mo.”

Mose IV, 15:20

Nyɛɛ ngɔ nyɛ kekleekle ma a kɛ sã abolo, nɛ nyɛɛ ngɔ kɛ ba Yawɛ hɛ mi kaa nike ní klɛdɛɛ. Bɔ nɛ nyɛ ngɔɔ blɛfo he nɛ nyɛ kpɔ ba haa Yawɛ kaa nike ní klɛdɛɛ ɔ, ja nɔuu nyɛɛ pee enɛ ɔ hulɔ.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Mose I, 47:24

Ke nyɛ kpa ní ɔ, nyɛɛ ngɔ mi dlami enuɔ mi kake ba ha Farao ɔ, konɛ nɔ́ nɛ piɛ ɔ nɛ pee nyɛ nitsɛmɛ, kɛ nyɛ bimɛ, kɛ nyɛ we mi bimɛ nyɛ nɔ́; nyɛɛ ye eko, nɛ nyɛ du eko.”

Mose I, 47:26

Lɔ ɔ he ɔ, Yosef wo mlaa nɛ ngɛ kɛ ba si mwɔnɛ ligbi nɛ ɔ, kaa Egipt zugba a niba ní ɔ mi dlami enuɔ mi kake maa pee Farao ɔ nɔ́. Osɔfo ɔmɛ a zugba a pɛ ji nɔ́ nɛ be Farao ɔ nɔ́ pee.

Mose IV, 18:31

Nyɛɛ kɛ nyɛ we mi bimɛ nɛ ye nɔ́ nɛ piɛ ɔ ngɛ he tsuaa he; ejakaa ní tsumi nɛ nyɛ tsuɔ ngɛ kpe he bo tsu ɔ mi ɔ, e he hiɔwo ji lɔ ɔ nɛ.

Nehemia 10:38

Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.