Mose V, 14:21 - BAIBLO ALOO NGMAMI KLƆUKLƆU Ɔ

²¹ “Nyɛ ko ye lohwe ko nɛ lɛ nitsɛ e gbo. Nyɛ kɛ ha nibwɔhi nɛ ba to nyɛ ɔ nɛ a ye, loo nyɛɛ jua ha ni kpahi. Nyɛɛ lɛɛ Yawɛ, nyɛ Mawu ɔ nihi ji nyɛ; nyɛ ji e ma. Nyɛ ko hoo jijɔ bi, loo apletsi bi ngɛ e nyɛ nyɔ nyu mi.

Mose V, 14:21 ပူးပေါင်းရင်းမြစ်များ

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Mose II, 34:26

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. Koo hoo apletsi bi ngɛ e nyɛ nyɔ nyu mi.”

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose III, 22:8

E ko ye lohwe ko nɛ lɛ nitsɛ e gbo, loo lohwe ko nɛ lohwe kpa ko tsɔtslɔɔ e mi; ke e ye ɔ, e ble e he. Imi ji Yawɛ.

Mose III, 17:15

Israel no tsuaa Israel no, loo nubwɔ kó ye lohwe ko nɛ lɛ nitsɛ e gbo, aloo nɔ́ nɛ nga mi lohwe tsɔtslɔɔ e mi. Ke e ba mi kaa nɔ ko tɔ mlaa nɛ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu; lɔ ɔ se loko e he ma tsɔ.

Ezekiel 4:14

Kɛkɛ nɛ i de ke, “Kpaoo, Nyɔmtsɛ Yawɛ, i ble we ye he; kɛ je ye jokuɛwi a si hluu kɛ ba su be nɛ ɔ mi tsuo ɔ, nɔ́ ko nɛ lɛ nitsɛ e gbo, loo lohwe ko tsɔtslɔɔ mi ɔ, i yi hyɛ; jehanɛ hu, lo nɛ a hiɔ yɛ ye nya mi hyɛ.”

1 Petro 1:16

Ngmami ɔ ke, “Nyɛɛ pee nyɛ he klɔuklɔu, ejakaa i ngɛ klɔuklɔu.”

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 8:24

E ma kpata níhi a hɛ mi basabasa, nɛ e maa ye manye ngɛ nɔ́ tsuaa nɔ́ peemi mi. Je ma nguanguahi, kɛ ni klɔuklɔu ɔmɛ a nitsɛ e ma a hu, e ma kpata a hɛ mi. He wami nɛ e kɛ ma tsu ní nɛ ɔmɛ ɔ, pi lɛ nitsɛ e he wami.

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Mose III, 11:40

Ke nɔ ko ye lo nɛ ɔ eko ɔ, é fɔ e tade ɔmɛ a he. Se lɛ nitsɛ lɛɛ e he be tsɔe kɛ yaa si du ma bu. Nɔ tsuaa nɔ nɛ maa kɛ̃ e gbogboe ɔ bleɔ e he; ke nɔ ko ble e he ja a, nɔ ɔ nɛ fɔ e tade ɔmɛ a he, se e he be tsɔe kɛ yaa si du ma bu.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Mose V, 14:20

Nyɛɛ ye lohwe tsɔwi nɛ a he tsɔ.

Ezekiel 44:31

Osɔfo kó ye lohwe ko nɛ lɛ nitsɛ e gbo, loo lohwe kpa ko tsɔtslɔɔ e mi kɔkɔɔkɔ, lohwe pɛlitsɛ jio, nane eywiɛtsɛ jio.”

Mose II, 22:30

Ngɔɔ o na amɛ, kɛ o to ɔmɛ a kekleekle bi ku ɔmɛ hu ba ha mi. Ke a fɔ mɛ se ɔ, ha nɛ a hi a nyɛmɛ a kasa nya ligbi kpaago; ligbi nɛ ji kpaanyɔ ɔ, ngɔɔ mɛ kɛ ba sã bɔ ha mi.