Mose V, 14:1 - BAIBLO ALOO NGMAMI KLƆUKLƆU Ɔ

¹ “Yawɛ, nyɛ Mawu ɔ ma ji nyɛ. Lɔ ɔ he ɔ, ke nɔ ko gbo nɛ nyɛ ngɛ ya nyɛe ɔ, nyɛ ko poo nyɛ he ha, nɛ nyɛ ko je nyɛ hɛ nya kaa bɔ nɛ je ma kpa amɛ peeɔ ɔ.

Mose V, 14:1 ပူးပေါင်းရင်းမြစ်များ

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Romabi 9:8

Enɛ ɔ tsɔɔ kaa pi Abraham bimɛ nɛ e fɔ ngɛ he lo nya a ji Mawu bimɛ. Se mohu si nɛ a wo Abraham ɔ, ni nɛmɛ nɛ heɔ yeɔ ɔ, mɛ ji Abraham nina.

Mose III, 21:5

“Osɔfo ko po huɛ ngɛ e yi kpɛti, loo e sua e kpɛni he. E ko po e he ha, loo e ngmaa e he kɛ tsɔɔ kaa e ngɛ kɔmɔ yee.

Romabi 9:26

“Nɛ e maa ba mi kaa he nɛ a ma de mɛ ngɛ ke, ‘Pi ye ma ji nyɛ’ ɔ, lejɛ ɔ nɔuu a ma tsɛ mɛ ngɛ ke, ‘Mawu hɛ kalɔ ɔ bimɛ.’ ”

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

Romabi 8:16

Mawu mumi ɔ nitsɛ kɛ wɔ hu wa mumi ɔ yeɔ odase kaa Mawu bimɛ ji wɔ.

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Yeremia 41:5

nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.

Yeremia 16:6

Niatsɛmɛ, kɛ ohiatsɛmɛ tsuo ma gbo ngɛ zugba nɛ ɔ nɔ; se nɔ ko be mɛ pue, nɛ nɔ ko be kɔmɔ yee ha mɛ. Nɔ ko nɔ ko be blɔ jee nɛ e maa plaa e he, loo e maa po huɛ kɛ tsɔɔ kaa e ngɛ kɔmɔ yee.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Mose I, 6:4

Jamɛ a be ɔ mi, benɛ Mawu binyumu ɔmɛ kɛ nimli a biyi ɔmɛ, ba na bɔmi, nɛ a kɛ mɛ bɔni fɔmi ɔ, oblaihi ngɛ je ɔ mi. Mɛ ji blema katsɛmɛ, kɛ nimli nɛ a he biɛ.

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

1 Yohane 5:2

Nɔ́ nɛ waa kɛ maa na kaa wa suɔ Mawu bimɛ ɔmɛ ji wa maa bu Mawu tue, nɛ wa maa ye e mlaa amɛ a nɔ.

1 Tesalonikabi 4:13

Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

Yeremia 47:5

Amanehlu agbo ba Gaza bi ɔmɛ a nɔ, nɛ Ashkelon bi ɔmɛ pee dii. Filisti bi ɔmɛ nɛ piɛ ɔ, mɛni be a maa ye kɔmɔ kɛ ya si?

Romabi 9:4

Mɛ ji Israel bi; nɛ Mawu nitsɛ nɛ ngɔ mɛ kɛ pee e ma; e wo a hɛ mi nyami, e kɛ mɛ so, nɛ e ha mɛ mlaa a; e tsɔɔ mɛ jami blɔ nya tomi, nɛ mɛ nɔuu nɛ e wo si ɔ nɛ.

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Matsɛmɛ I, 18:28

Enɛ ɔ he je ɔ, Baal gbali ɔmɛ kpa huhui wawɛɛ pe kekle ɔ. Nɛ kaa bɔ nɛ a kusumi ngɛ ɔ, a ngɔ ha kɛ klaate kɛ poo a he kɛ ya si muɔ bɔni bemi.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”