Mose V, 13:8 - BAIBLO ALOO NGMAMI KLƆUKLƆU Ɔ

⁸ Koo kplɛɛ, nɛ koo bu lɛ tue tete po. Koo na lɛ mɔbɔ; koo baa e yi; koo laa e nɔ.

Mose V, 13:8 ပူးပေါင်းရင်းမြစ်များ

Mose II, 20:3

“Ko ja mawu ko kɛ piɛ ye he.

Abɛ Womi 1:10

Ye bi, ke yayami peeli ngɛ mo mlɔɔe ɔ, koo nyɛɛ a se.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Mose V, 13:7

A ti nɔ ko ma nyɛ maa mlɔɔ mo nɛ o ma ya ja nihi nɛ ngɛ nyɛ kasa nya, aloo nihi nɛ ngɛ tsitsaa a mawu ɔmɛ ekomɛ.

Mose V, 19:13

Koo na lɛ mɔbɔ kulaa. Koo ngmɛ blɔ nɛ nɔ gbelɔ nɛ ɔ nɛ hi hɛ ngmengmle ngɛ Israel hu; kɛkɛ ɔ, níhi a mi maa hi ha mo.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

Manyadali 10:6

Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.