Mose V, 13:5 - BAIBLO ALOO NGMAMI KLƆUKLƆU Ɔ

⁵ Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 13:5 ပူးပေါင်းရင်းမြစ်များ

Matsɛmɛ I, 13:19

Kɛkɛ nɛ gbalɔ nɛ je Yuda a, kɛ gbalɔ nɔmoyo ɔ kpale kɛ ho we mi ya, nɛ e ya ye ní, nɛ e nu nyu ngɛ lejɛ ɔ.

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

Yeremia 14:15

Lɔ ɔ he ɔ, jamɛ a gbali ɔmɛ nɛ i tsɔ we mɛ, nɛ a kɛ ye biɛ ngɛ munyu tue, nɛ a ngɛ dee ke ta, loo hwɔ be zugba nɛ ɔ nɔ bae ɔ, bɔ nɛ i ngɛ dee ngɛ a he ji, i kɛ ta, kɛ hwɔ ma kpata a hɛ mi.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Zakaria 13:3

Enɛ ɔ se, ke nɔ ko maa te si ke gbalɔ ji lɛ ɔ, e nyɛ kɛ e tsɛ nɛ fɔ lɛ ma de lɛ ke, ‘Ja a gbe mo; ejakaa o ngɔ Mawu biɛ kɛ ngɛ lakpa yee.’ Ke e ya nɔ ngɛ gbae ɔ, e nyɛ kɛ e tsɛ nɛ fɔ lɛ ɔ maa fia lɛ nɔ nɛ a gbe.

Ni Tsumi 13:8

Se Elima, kunya yelɔ ɔ ka a nya tsimi. (Biɛ Bar- Yesu ɔ ngɛ Hela gbi mi ji Elima). E ka kaa e ma puɛ amlaalo ɔ juɛmi, konɛ e ngmɛɛ e hemi kɛ yemi ɔ he.

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose V, 13:15

lɛɛ nyɛɛ gbe jamɛ a ma a mi bi ɔmɛ tsuo, kɛ a lohwe ɔmɛ tsuo. Nyɛɛ ngɔ klaate kɛ kpata ma a hɛ mi pɛsɛpɛsɛ.

Mose V, 13:9

Gbee lɛ! Mo kekle o fia lɛ tɛ, nɛ lɔ ɔ se ɔ, nɔ tsuaa nɔ nɛ fiaa lɛ tɛ ɔ eko.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose V, 17:7

Odase yeli ɔmɛ nɛ a fiaa lɛ tɛ ɔ kekle, konɛ ma a tsuo nɛ fiaa nɔ ɔ tɛ ɔ; nyɛɛ pee ja kɛ je nɔ́ yayami nɛ ɔ kɛ je nyɛ kpɛti.

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

Mose V, 19:19

a gbla e tue sisiisi kaa bɔ nɛ e susu kaa a ko pee e nyɛmi ɔ pɛpɛɛpɛ. Nyɛɛ pee jã kɛ je nɔ́ yayami nɛ ɔ kɛ je nyɛ kpɛti.

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Mose V, 22:24

A kɛ mɛ ni enyɔ ɔmɛ tsuo nɛ je ma a mi, nɛ a ya fiaa mɛ tɛ nɛ a gbo. A gbe yiheyo ɔ, ejakaa ma a mi he nɛ a tsu zo ní nɛ ɔ ngɛ ɔ, kaa e kpa ngmlaa jinɛ ni komɛ maa nu, nɛ a ma ba je ngmlaa ha lɛ. Nyumu ɔ hu, á gbe lɛ, ejakaa e kɛ yiheyo nɛ nɔ ko bi e si ya na bɔmi. Pee jã kɛ je yayami nɛ ɔ kɛ je nyɛ kpɛti.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Mose V, 26:14

Benɛ i ngɛ kɔmɔ yee ɔ, i yi mi dlami nyɔngma mi kake ɔ eko; benɛ ye he tsɔ we ɔ, i ngɔɛ eko kɛ ji ye we ɔ mi; jehanɛ hu, i kɛ eko sɛ̃ bɔ ha gbogboe ko. Niinɛ, Yawɛ, ye Mawu, i bu mo tue. Mlaahi tsuo nɛ o wo mi nɛ kɔɔ mi dlami nyɔngma mi kake ɔ he ɔ, i ye nɔ.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.

Yoshua 23:8

Mohu ɔ, nyɛɛ ye Yawɛ anɔkuale, kaa bɔ nɛ nyɛ ye lɛ anɔkuale kɛ ba su mwɔnɛ ɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Manyadali 20:13

Nyɛ je Gibea nyumuhi yakayaka nimli ɔmɛ ha wɔ nɛ waa gbe mɛ kɛ kpa musu ngɛ Israel.” Se Benyamin bi ɔmɛ bui a nyɛmimɛ Israel bi ɔmɛ tue.

Samuel I, 12:14

Ke nyɛ maa ye Yawɛ, nyɛ Mawu ɔ gbeye, nɛ nyɛ ma sɔmɔ lɛ, nɛ nyɛ be e hɛ mi atuã tsɔe, se nyɛ maa ye e mlaa amɛ a nɔ, nɛ nyɛɛ kɛ nyɛ matsɛ ɔ maa nyɛɛ e se ɔ, lɛɛ e maa hi ha nyɛ.