Mose V, 13:3 - BAIBLO ALOO NGMAMI KLƆUKLƆU Ɔ

³ nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Mose V, 13:3 ပူးပေါင်းရင်းမြစ်များ

Matsɛmɛ I, 13:19

Kɛkɛ nɛ gbalɔ nɛ je Yuda a, kɛ gbalɔ nɔmoyo ɔ kpale kɛ ho we mi ya, nɛ e ya ye ní, nɛ e nu nyu ngɛ lejɛ ɔ.

La 119:2

A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,

La 66:10

Mo Mawu, o ka wɔ hyɛ ha, o tsu wa he kaa bɔ nɛ a tsuɔ sika hiɔ he ɔ.

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 20:20

Mose de ma a ke, “Nyɛ ko ye gbeye; kami kɛkɛ Mawu ma nyɛ kami konɛ nyɛɛ ye lɛ gbeye nɛ nyɛ ko pee yayami.”

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

2 Korintobi 8:8

Pi mlaa nɛ i ngɛ nyɛ woe. Dɛbi! Hɛdɔ nɛ Makedonia asafo ɔmɛ kɛ tsu ní ɔ nɛ i kɛ ngɛ nyɛ suɔmi ɔ he toe kaa e je tsui klɔuu mi lo.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

2 Tesalonikabi 2:11

Lɔ ɔ he ɔ, Mawu ma tsaka a juɛmi, nɛ a ma he lakpa munyu maa ye.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Manyadali 2:22

Ma ngɔ mɛ kɛ ka Israel nɛ ma hyɛ kaa a maa nyɛɛ ye blɔ ɔmɛ a nɔ kaa bɔ nɛ a nɛmɛ ɔmɛ pee ɔ, loo a be ja pee.”

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.