Mose V, 13:2 - BAIBLO ALOO NGMAMI KLƆUKLƆU Ɔ

² bɔ nɛ pee nɛ e kpaka nyɛ kɛ ya ja Mawu kpahi, nɛ pohu nyɛ ja we mɛ hyɛ ɔ, ke kaa níhi nɛ e wo a he si ɔ ba mi tete po ɔ,

Mose V, 13:2 ပူးပေါင်းရင်းမြစ်များ

Matsɛmɛ I, 13:3

Gbalɔ ɔ ya nɔ nɛ e de ke, “Bɔ sami la tɛ nɛ ɔ mi ma gba enyɔ, nɛ e mi la zu ɔ ma kpa pue si. Nɛ enɛ ɔ maa pee okadi nɛ o kɛ maa na kaa Yawɛ lɛ tu munyu kɛ gu ye nɔ.”

Mose II, 22:19

“Nɔmlɔ nɛ e kɛ lohwe ma na yo kɛ nyumu bɔmi ɔ, a gbe lɛ.

Mose II, 7:22

Egipt kunya yeli ɔmɛ gu a ga blɔ ɔmɛ a nɔ nɛ a pee ja nɔuu. Se Farao ɔ lɛɛ e kplii e tsui kaa sa a. Nɛ kaa bɔ nɛ Yawɛ de ngɔ to ɔ, e bui mɛ tue fɛɛ.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Yeremia 27:9

Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Yeremia 28:9

Gbalɔ nɛ gbaa ke tue mi jɔmi maa ba a, ke jamɛ a gbalɔ ɔ munyu ɔ na ba mi ɔ, lɔ ɔ loko a maa le kaa Yawɛ lɛ tsɔ lɛ niinɛ.”

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

Mose V, 18:22

Ke gbalɔ ko gba ngɛ Yawɛ biɛ mi, nɛ nɔ́ nɛ e de ɔ bɛ mi ɔ, sɛ gbi ɔ ji Yawɛ ngɔ. Jamɛ a gbalɔ ɔ nitsɛ e nya mi munyu ji lɔ ɔ nɛ; koo ye lɛ gbeye.