Mose V, 13:17 - BAIBLO ALOO NGMAMI KLƆUKLƆU Ɔ

¹⁷ Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 13:17 ပူးပေါင်းရင်းမြစ်များ

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Yoshua 6:18

Nyɛɛ yu nyɛ he kɛ je níhi nɛ a ma kpata a hɛ mi ɔ a he, bɔ nɛ pee nɛ nyɛ hɛ ko ba kɔ a nɔ, nɛ nyɛ ba ngɔ eko. Ke nyɛ pee ja a, nyɛɛ kɛ haomi, kɛ hɛ mi kpatami maa ba Israel tsuo nɔ.

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

Yoshua 22:20

Anɛ nyɛ kaii we Zera binyumu Akan lo? Benɛ Akan tɔ mlaa nɛ kɔɔ níhi nɛ sa kaa a kpata a hɛ mi ɔ he ɔ, a gbla Israel ma a tsuo tue; pi Akan nɔ kake pɛ nɛ gbo ngɛ yayami nɛ ɔ he.”

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Mose V, 7:13

e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

Mose IV, 25:4

nɛ e de Mose ke, “Ngɔɔ ma nimeli ɔmɛ tsuo kɛ ya nɛ o ya sɛu mɛ ngɛ Yawɛ hɛ mi piani katakata; kɛkɛ ɔ, ye mi mi fumi nɛ nya wa a maa je Israel nɔ.”

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Mose V, 30:5

konɛ nyɛ ba ngɔ zugba a he nɛ nyɛ nɛmɛ ɔmɛ hi ɔ, nɛ e pee nyɛ nɔ́ ekohu. Jehanɛ, e ma ha nɛ nyɛ ma na ní, nɛ nyɛ he maa hiɛ babauu pe nyɛ nɛmɛ ɔmɛ po.

La 85:3

O mi mi la nɛ nya wa a se po, nɛ o mi mi fu we wɔ hu.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Yoshua 6:24

Jehanɛ, a kɛ la sa ma a, kɛ e mi níhi tsuo; se sika hiɔ, sika tsu, akɔblee, kɛ dade níhi lɛɛ a kɛ to Yawɛ we ɔ nito he ɔ.

Yoshua 8:28

Yoshua sã Ai ma a, nɛ e ha e plɛ pee ma doku kɛ ba si mwɔnɛ ɔ.