Mose V, 13:16 - BAIBLO ALOO NGMAMI KLƆUKLƆU Ɔ

¹⁶ Nyɛ bua ma a mi bi ɔmɛ a níhi nɛ a ngɛ ɔ tsuo a nya glekugleku ngɛ ma nɔ. Jehanɛ, nyɛɛ sã ma a, kɛ nɔ́ tsuaa nɔ́ nɛ ngɛ mi ɔ kaa sami bɔ kɛ ha Yawɛ, nyɛ Mawu ɔ. Ma a nɛ pee ma doku, nɛ e ko bɔ hu gblegbleegble.

Mose V, 13:16 ပူးပေါင်းရင်းမြစ်များ

Yeremia 49:2

Se be ma nɛ ma ha nɛ nihi nɛ ngɛ Amon matsɛ ma Raba a maa nu nɛ a he ose kɛ ma. A ma kpata ma a hɛ mi, nɛ kɔpehi nɛ bɔle ma a, a maa mɛ a he la. Jamɛ a be ɔ, zugba a nɛ he nyɛli ɔmɛ ba kpɔ ngɛ Israel dɛ ɔ, Israel nine maa su nɔ ekohu.

Yoshua 8:28

Yoshua sã Ai ma a, nɛ e ha e plɛ pee ma doku kɛ ba si mwɔnɛ ɔ.

Yesaya 25:2

O ha mahi plɛ pee ma dokuhi, gbogbohi nɛ a fia wo a he ɔ, lɛ tsuo ku kɛ pueɔ si. Matsɛmɛ a mɔhi nɛ ma je li ɔmɛ ma a, a kpata a hɛ mi pɛsɛpɛsɛ, a be ekoeko nae hu gblegbleegble.

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Yoshua 6:24

Jehanɛ, a kɛ la sa ma a, kɛ e mi níhi tsuo; se sika hiɔ, sika tsu, akɔblee, kɛ dade níhi lɛɛ a kɛ to Yawɛ we ɔ nito he ɔ.

Mika 1:6

Lɔ ɔ he ɔ Yawɛ ke, “Ma ha nɛ Samaria maa pee kaa kuku ngɛ nga nɔ, he nɛ a ma du wai tsohi ngɛ. Ma kpɛne tɛhi ngɛ ma a mi kɛ wo kɔ̃ ɔ mi, nɛ ma a sisi tomi ɔ maa je kpo.

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Ezekiel 26:14

Ma pee mo tɛ sa kpataa, he nɛ wo hɛli ma ka a yahi ngɛ. A be mo dlae kɛ pee ma hu. Imi, Nyɔmtsɛ Yawɛ lɛ i de.”

Mose II, 22:19

“Nɔmlɔ nɛ e kɛ lohwe ma na yo kɛ nyumu bɔmi ɔ, a gbe lɛ.

Yoshua 6:21

A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.