Mose V, 13:15 - BAIBLO ALOO NGMAMI KLƆUKLƆU Ɔ

¹⁵ lɛɛ nyɛɛ gbe jamɛ a ma a mi bi ɔmɛ tsuo, kɛ a lohwe ɔmɛ tsuo. Nyɛɛ ngɔ klaate kɛ kpata ma a hɛ mi pɛsɛpɛsɛ.

Mose V, 13:15 ပူးပေါင်းရင်းမြစ်များ

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose III, 27:28

Nɔ́ tsuaa nɔ́ nɛ ngɛ nɔ ko dɛ, nɛ a je he gbi kaa a kpata e hɛ mi kɛ ha Yawɛ ɔ, nɔmlɔ jio, lohwe nane eywiɛtsɛ jio, aloo gbosi ní kaa zugba a peeɔ klɔuklɔu kɛ ha Yawɛ; a ko jua, nɛ a ko kpɔ hulɔ.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Manyadali 20:48

Benɛ Israel bi ɔmɛ kpale a se kɛ gu Benyamin bi ɔmɛ a zugba a nɔ kɛ ma a, a kɛ klaate gbe nimli, lohwehi, kɛ nɔ́ tsuaa nɔ́ nɛ a nine su nɔ. Jehanɛ hu, ma amɛ tsuo nɛ a ba gu mi ɔ, a mɛ mɛ tsuo pɛpɛɛpɛ a he la.

Yoshua 6:24

Jehanɛ, a kɛ la sa ma a, kɛ e mi níhi tsuo; se sika hiɔ, sika tsu, akɔblee, kɛ dade níhi lɛɛ a kɛ to Yawɛ we ɔ nito he ɔ.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 2:34

Jamɛ a be ɔ mi nɔuu nɛ wa ngɔ e ma amɛ tsuo, nɛ wa kpata mɛ tsuo pɛpɛɛpɛ a hɛ mi. Wa gbe nɔ tsuaa nɔ, nyumuhi, yihi, kɛ jokuɛwi tsuo; wa si we nɔ kake po.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 13:14

nyɛ bi nɛ nyɛɛ na nɔ́ nɛ nyɛ nu ɔ mi fitsofitso. Ke sane ɔ ngɛ mi niinɛ kaa a pee nɔ́ yayami nɛ ɔ,

Mose V, 17:4

Ke nɔ ko ba sɛɛ ha nyɛ ɔ, nyɛ bi nɛ nyɛ hla mi fitsofitso kaa sane ɔ ngɛ mi niinɛ lo. Ke e ngɛ mi niinɛ kaa a tsu nɔ́ yayami nɛ ɔ ngɛ Israel ɔ,

Manyadali 20:3

Jamɛ a be ɔ mi ɔ, Benyamin bi ɔmɛ nu he kaa Israel bi ɔmɛ hia kɛ ho Mizpa ya. Israel bi ɔmɛ de ke, “Nyɛɛ gba wɔ bɔ nɛ a plɛ kɛ ye sane yaya nɛ ɔ ha.”

Ezra 10:16

Nihi nɛ je ma se kɛ ba a kplɛɛ blɔ nya tomi ɔ, nɛ osɔfo Ezra hla nihi kɛ je we puɔ nya dali ɔmɛ a kpɛti we puɔ nya we puɔ nya ngɛ a biɛhi a nya. Nyɔhiɔ nyɔngmane ɔ we kekleekle ligbi ɔ, a he sɛ, nɛ a bɔni sane ɔmɛ a mi hyɛmi;