Mose V, 13:10 - BAIBLO ALOO NGMAMI KLƆUKLƆU Ɔ

¹⁰ Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose V, 13:10 ပူးပေါင်းရင်းမြစ်များ

Matsɛmɛ II, 11:18

Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi. Osɔfo Yehoyada ngɔ buli ya to Yawɛ we ɔ.

Kronika II, 24:21

Matsɛ Yoash kɛ ma a so ngɔ wo Zakaria he, nɛ matsɛ ɔ fa mɛ nɛ a ya fia Zakaria tɛ ngɛ Yawɛ we ɔ kue ɔ mi.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 32:27

Nɛ e de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Nyɛ ti nɔ tsuaa nɔ nɛ mia kɛ klaate, nɛ nyɛɛ kpa ma a sito he ɔ tsuo kɛ ya kɛ ba; kɛ je agbo kake nya kɛ yaa si agbo kpa nya, nɛ nyɛɛ gbe nɔ tsuaa nɔ nɛ nyɛ maa na; nyɛmi jio, huɛ jio, nɔ lele jio!’ ”

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Mose III, 20:27

“Nyumu tsuaa nyumu, loo yo tsuaa yo nɛ hiaa, loo a biɔ ní ngɛ e ngɔ ɔ, a fia lɛ tɛ nɛ e gbo; e gbenɔ ɔ sa lɛ nitsɛ.”

Mose III, 24:23

Benɛ Mose kɛ Israel ma a tu munyu nɛ ɔ gbe nya a, a ngɔ nyumu ɔ nɛ bɔ musu ɔ kɛ je ma sito he ɔ, nɛ a ya fia lɛ tɛ nɛ e gbo. Bɔ nɛ Yawɛ fa Mose ɔ, ja pɛpɛɛpɛ Israel ma a pee ɔ nɛ.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose V, 17:7

Odase yeli ɔmɛ nɛ a fiaa lɛ tɛ ɔ kekle, konɛ ma a tsuo nɛ fiaa nɔ ɔ tɛ ɔ; nyɛɛ pee ja kɛ je nɔ́ yayami nɛ ɔ kɛ je nyɛ kpɛti.

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Yoshua 7:25

Jehanɛ Yoshua bi Akan ke, “Mɛni he je o hao wɔ kikɛ nɛ ɔ? Mwɔnɛ nɛ ɔ, Yawɛ hu maa hao mo!” Kɛkɛ nɛ Israel ma a tsuo fia Akan tɛ nɛ e gbo; a fia e weku li ɔmɛ hu tɛ, nɛ a kɛ la sã lɛ, kɛ e weku li, kɛ e nɔ́ tsuaa nɔ́.