Mose V, 13:1 - BAIBLO ALOO NGMAMI KLƆUKLƆU Ɔ

¹ “Ke gbalɔ ko, loo nlami sisi tsɔɔlɔ ko wo si ke e maa pee okadi ko, loo nyakpɛ nɔ́ ko,

Mose V, 13:1 ပူးပေါင်းရင်းမြစ်များ

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Yeremia 29:8

Imi Yawɛ Tabohiatsɛ, Israel Mawu ɔ, i ngɛ nyɛ dee ke, gbali, kɛ klaali nɛ ngɛ nyɛ kpɛti ɔ, nyɛ ko ha nɛ a sisi nyɛ. Nyɛ ko ha nɛ a de nyɛ níhi nɛ nyɛ nitsɛmɛ nyɛ suɔ nɛ ba mi.

Yeremia 27:9

Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

2 Tesalonikabi 2:9

Dikalɔ ɔ maa ba kɛ Abosiami he wami, nɛ e ma ba pee lakpa nyakpɛ ní, kɛ okadi slɔɔtohi.

Luka 6:26

“Musu tloo nyɛ, ke nihi tsuo tuɔ nyɛ he munyu kpakpa; ejakaa ja nɔuu a nɛmɛ ɔmɛ pee lakpa gbali ɔmɛ!

Marko 13:22

Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 24:11

Lakpa gbali babauu maa te si, nɛ a maa mlɔɔ nihi fuu.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Zakaria 13:4

Jamɛ a be ɔ, e maa pee gbali tsuo zo kaa nina nɛ maa je kpo ha mɛ ɔ, a ma de, loo kaa a ma tsɛ mɛ gbali tete. A be tade kunyaa woe nɛ a kɛ sisi nihi hu.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Ezekiel 13:23

Lɔ ɔ he ɔ, yakayaka nina ko be kpo jee ha nyɛ hu; nɛ nyɛ be klae hu. Ma kpɔ ye ma a kɛ je nyɛ he wami sisi, nɛ nyɛ be he wami hie ngɛ a nɔ; kɛkɛ ɔ, nyɛ maa le kaa imi ji Yawɛ.”

Yeremia 23:11

Yawɛ ke, “Gbali ɔmɛ, kɛ osɔfo ɔmɛ tsuo li Mawu; nimli yayamihi ji mɛ. I naa mɛ nɛ a ngɛ yayami pee ngɛ ye we ɔ mi tete po.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Yeremia 29:24

Yawɛ Tabohiatsɛ, Israel Mawu ɔ ha mi sɛ gbi kɛ ha Shemaya nɛ je Nehelam ɔ. Shemaya nɛ ɔ ngma womi ngɛ lɛ nitsɛ e biɛ mi kɛ mane osɔfo Zefania, Maaseya bi ɔ, kɛ osɔfo kpa amɛ tsuo, kɛ nihi tsuo nɛ ngɛ Yerusalem ɔ. Womi ɔ nɛ Shemaya ngma kɛ mane Zefania a, nɔ́ nɛ a ngma ngɛ mi ji,

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Yeremia 29:26

“Yawɛ wo mo osɔfo ngɛ Yehoyada nane mi konɛ o hyɛ Yawɛ we ɔ nɔ. O blɔ nya ní tsumi ji godotsɛ tsuaa godotsɛ nɛ peeɔ e he gbalɔ ɔ, o hyɛ nɛ a bɔ lɛ pã nɛ a wo e kuɛ dade kɔsɔkɔsɔ.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Matsɛmɛ I, 13:19

Kɛkɛ nɛ gbalɔ nɛ je Yuda a, kɛ gbalɔ nɔmoyo ɔ kpale kɛ ho we mi ya, nɛ e ya ye ní, nɛ e nu nyu ngɛ lejɛ ɔ.

Abɛ Womi 30:6

Koo ngɔ nɔ́ ko kɛ piɛ Mawu munyu ɔmɛ a he. Ke o pee ja a, Mawu ma ka o hɛ mi, nɛ nihi tsuo maa na kaa lakpatsɛ ji mo.”