Mose V, 12:7 - BAIBLO ALOO NGMAMI KLƆUKLƆU Ɔ

⁷ Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 12:7 ပူးပေါင်းရင်းမြစ်များ

Kronika I, 29:22

Jamɛ a ligbi ɔ, ma a bua jɔ a he wawɛɛ nitsɛ, ejakaa a ye ní, nɛ a nu ní ngɛ Yawɛ hɛ mi. Kɛkɛ nɛ a wo Salomo matsɛ si enyɔne. A pɔ lɛ nu ngɛ Yawɛ biɛ mi kaa ganɔ, nɛ a pɔ Zadok hu nu kaa osɔfo.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Fiɛlɔ 3:12

Lɔ ɔ he ɔ, i na kaa be abɔ nɛ nɔmlɔ ngɛ je nɛ ɔ mi ɔ, nɔ́ nɛ sa lɛ peemi pɛ ji kaa e nya, nɛ e na bua jɔmi.

Fiɛlɔ 3:13

E sa kaa nɔ tsuaa nɔ nɛ ye ní, nɛ e nu ní; nɛ e na bua jɔmi kɛ je níhi nɛ e gbo a he dengme ɔ mi. Mawu nike ní ji lɔ ɔ nɛ.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Yesaya 62:9

Se mohu, o nihi nɛ du blɛfo nɛ a kpɔ ɔ, mɛ lɛ a maa ye, nɛ a ma je imi Yawɛ ye yi. Ni nɛmɛ nɛ bua wai yiblii nya a, mɛ lɛ a maa nu dã a ngɛ kue ɔmɛ a mi, ngɛ ye we klɔuklɔu ɔ.”

Ezekiel 44:3

Ganɔ ɔ pɛ lɛ ngɛ he blɔ nɛ e yaa lejɛ ɔ. E ma nyɛ maa hi lejɛ ɔ kɛ ye ní ngɛ Yawɛ hɛ mi. É gu kue ngua a nɛ ngɛ se je ɔ mi kɛ ya, nɛ é gu lejɛ ɔ nɔuu kɛ je kpo.”

Yoel 1:16

Pi wa niba ní nɛ wa ngɛ hyɛe nɛ hɛ mi ngɛ kpatae nɛ ɔ? Bua jɔmi, kɛ nyami se po ngɛ wa Mawu ɔ we ɔ.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Mose III, 23:40

Kekleekle ligbi ɔ, nyɛɛ ngɔ tso yiblii kpakpahi, tã bahi, kɛ tso kusuuhi a kɔnihi kɛ a he ba nɛ nyɛ kɛ nya ligbi kpaago kɛ wo Yawɛ, nyɛ Mawu ɔ hɛ mi nyami.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:8

“Ke jamɛ a be ɔ su ɔ, nyɛ ko pee kaa bɔ nɛ nyɛ ngɛ pee amlɔ nɛ ɔ. Amlɔ nɛ ɔ, nyɛ tsuo nyɛ ngɛ Mawu jae bɔ nɛ nyɛ nitsɛmɛ nyɛ suɔ,

Mose V, 14:23

Lɔ ɔ se ɔ, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛɛ ye nyɛ blɛfo, wai, kɛ oliv nu mi dlami nyɔngmanyɔngma mi kakaaka a, kɛ nyɛ na amɛ, kɛ to ɔmɛ a kekleekle bi ɔmɛ ngɛ Yawɛ hɛ mi. Nyɛɛ pee enɛ ɔ kɛ kase bɔ nɛ nyɛ maa ye Yawɛ, nyɛ Mawu ɔ gbeye nyɛ wami be tsuo.

Mose V, 14:26

Nyɛɛ ngɔ sika a kɛ he nɔ́ tsuaa nɔ́ nɛ nyɛ suɔ, na, wai, loo dã nɛ nya wa, konɛ nyɛɛ kɛ nyɛ weku li nɛ ye ní, nɛ nyɛ bua nɛ jɔ nyɛ he saminya ngɛ Yawɛ, nyɛ Mawu ɔ hɛ mi.

Mose V, 15:20

Daa jeha a, o kɛ o weku li nɛ ye mɛ ngɛ Yawɛ hɛ mi ngɛ he nɛ e to nɛ a ja lɛ ngɛ ɔ.

Mose V, 26:11

Mo nya ngɛ ní kpakpahi nɛ Yawɛ ha o kɛ o we ɔ he. Ha nɛ Levi no, kɛ nubwɔ nɛ kɛ mo ngɛ ɔ nɛ a piɛ o he kɛ nya.

Mose V, 27:7

Jehanɛ hu, nyɛɛ sã nyɛ tue mi jɔmi bɔ ɔmɛ, nɛ nyɛ bla nyɛɛ ye ní. Nyɛɛ na Yawɛ, nyɛ Mawu ɔ si ngɛ lejɛ ɔ.

Mose V, 28:47

Yawɛ gbaa nyɛ ngɛ blɔ tsuaa blɔ nɔ, se nyɛ sume nɛ nyɛ sɔmɔ lɛ kɛ bua jɔmi, kɛ nyami nɛ je tsui mi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!