Mose V, 12:31 - BAIBLO ALOO NGMAMI KLƆUKLƆU Ɔ

³¹ Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Mose V, 12:31 ပူးပေါင်းရင်းမြစ်များ

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Yeremia 7:31

A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Mose V, 12:4

“Nyɛ ko ja Yawɛ, nyɛ Mawu ɔ ngɛ he saisaa kaa bɔ nɛ a peeɔ ɔ.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

Mose III, 18:3

Egipt bi ɔmɛ nɛ nyɛ hi a zugba a nɔ ɔ, kɛ Kanaan bi ɔmɛ nɛ i ngɔ nyɛ kɛ yaa a zugba a a nɔ ɔ, nyɛ ko pee a kusumi níhi.

Mose II, 23:2

Koo nyɛɛ nihi fuu a se kɛ pee nɔ́ yaya; nɛ koo piɛ a he kɛ ye lakpa odase kɛ plɛ dami sane hɛ mi kɛ bu si.

Mika 6:7

Anɛ Yawɛ ma na bua jɔmi, ke i ba ha lɛ agbosu akpehi, loo nu nɛ hiɛ babauu kaa pa nɛ ngɛ bee lo? Anɛ ma ngɔ ye kekleekle bi ba ha lɛ kɛ wo ye yayami ɔmɛ a he hiɔ lo?

Ezekiel 23:27

Ma ha o yahomi, kɛ ajuama bɔmi basaa nɛ o hɛɛ mi kɛ je Egipt zugba a nɔ ɔ se maa po kulaa. O be amagahi hyɛe, nɛ o be Egipt bi ɔmɛ kaie gblegbleegble hu.”

Ezekiel 20:31

Amlɔ nɛ ɔ po, nyɛ ngɔɔ nike níhi kɛ ya haa amagahi, nɛ nyɛ ngɔɔ nyɛ bimɛ ngɔ haa nɛ a sã mɛ ngɛ la mi; nyɛ jaa amagahi babauu kɛ bleɔ nyɛ he. Israel bi, enɛ ɔmɛ tsuo a se ɔ, nyɛ kpale baa ke a bi mi ní ha nyɛ. I be kplɛɛe nɛ nɔ ko ba bi mi ní ha nyɛ. Imi, Nyɔmtsɛ Yawɛ lɛ i de.

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Mose V, 9:4

“Ke Yawɛ, nyɛ Mawu ɔ fie mɛ ha nyɛ ɔ, nyɛ ko susu nɛ nyɛ de nyɛ he ke, ‘Wa dami nɛ wa da he je nɛ Yawɛ kɛ wɔ ba nɛ wa ba ngɔ zugba nɛ ɔ.’ Pi ja, se mohu je ma nɛ ɔmɛ a yi mi nɛ wa a he je nɛ Yawɛ ngɛ mɛ fiee ha nyɛ ɔ nɛ.

Mose V, 12:30

Ke Yawɛ kpata jamɛ a je ma amɛ a hɛ mi se ɔ, nyɛɛ hyɛ saminya nɛ nyɛ ko ya nyɛɛ a we amaga jami ní peemi ní ɔmɛ a se, ejakaa e maa pee gbenɔ ha nyɛ. Nyɛ ko hla a mawu ɔmɛ a se blɔ, nɛ nyɛ ko bi ke, ‘Kɛ jamɛ a ni ɔmɛ jaa a mawu ɔmɛ kɛɛ, konɛ wɔ hu waa pee ja!’

Mose V, 20:18

Gbee mɛ, konɛ a ko ba tsɔɔ mo a musu ní ɔmɛ nɛ a peeɔ nɛ a kɛ jaa mawu kpahi ɔ, nɛ o kɛ enɛ ɔ ba pee yayami kɛ si Yawɛ, o Mawu ɔ.

Matsɛmɛ II, 16:3

se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

La 106:37

A kɛ a binyumuhi, kɛ a biyihi sã bɔ ha wɔhi.

Matsɛmɛ II, 3:27

Lɔ ɔ he ɔ, e nu e bitɛte, nɔ nɛ jinɛ lɛ nɛ e ma ba ye matsɛ ngɛ e se ɔ, nɛ e kɛ lɛ sã sami bɔ ngɛ gbogbo ɔ nɔ. Israel bi ɔmɛ ye gbeye wawɛɛ nitsɛ. Lɔ ɔ he ɔ, a je ma a mi, nɛ a kpale kɛ ho mɛ nitsɛmɛ a zugba nɔ ya.

Matsɛmɛ II, 17:31

Ava bi ɔmɛ puɛ amaga kɛ ha Nibhaz, kɛ Tartak. Sefarvaim bi ɔmɛ lɛɛ a ngɔ a bimɛ kɛ sã sami bɔ kɛ ha mawu ɔmɛ nɛ a tsɛɛ mɛ Adramelek kɛ Anamelek ɔ.