Mose V, 12:30 - BAIBLO ALOO NGMAMI KLƆUKLƆU Ɔ

³⁰ Ke Yawɛ kpata jamɛ a je ma amɛ a hɛ mi se ɔ, nyɛɛ hyɛ saminya nɛ nyɛ ko ya nyɛɛ a we amaga jami ní peemi ní ɔmɛ a se, ejakaa e maa pee gbenɔ ha nyɛ. Nyɛ ko hla a mawu ɔmɛ a se blɔ, nɛ nyɛ ko bi ke, ‘Kɛ jamɛ a ni ɔmɛ jaa a mawu ɔmɛ kɛɛ, konɛ wɔ hu waa pee ja!’

Mose V, 12:30 ပူးပေါင်းရင်းမြစ်များ

Ezekiel 20:32

Nyɛ pee nyɛ yi mi momo ke nyɛ suɔ kaa nyɛ maa pee nyɛ he kaa je ma kpa amɛ. Nyɛ maa pee kaa nihi nɛ ngɛ zugba kpahi a nɔ nɛ a jaa tso kɛ tɛ ɔ. Dɛbi, dɛbi! E be mi bae ja kɔkɔɔkɔ.

Yeremia 10:2

Yawɛ ke, “Nyɛ ko ya nyɛɛ je ma kpa amɛ a blɔ ɔmɛ a nɔ; ke nyɛ na okadihi ngɛ hiɔwe ɔ, nyɛ ko ye mɛ gbeye kaa bɔ nɛ je ma kpa amɛ yeɔ gbeye ɔ.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Mose III, 18:3

Egipt bi ɔmɛ nɛ nyɛ hi a zugba a nɔ ɔ, kɛ Kanaan bi ɔmɛ nɛ i ngɔ nyɛ kɛ yaa a zugba a a nɔ ɔ, nyɛ ko pee a kusumi níhi.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose V, 12:29

“Yawɛ, nyɛ Mawu ɔ ma kpata je ma amɛ nɛ nyɛ yaa ngɔ a zugba a a hɛ mi, nɛ nyɛ maa hi lejɛ ɔ kulaa.

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Mose V, 20:18

Gbee mɛ, konɛ a ko ba tsɔɔ mo a musu ní ɔmɛ nɛ a peeɔ nɛ a kɛ jaa mawu kpahi ɔ, nɛ o kɛ enɛ ɔ ba pee yayami kɛ si Yawɛ, o Mawu ɔ.

Mose III, 18:30

Yawɛ de kɛ gbe nya ke, “Lɔ ɔ he ɔ, nyɛɛ ye ye mlaa amɛ a nɔ. Musu bɔmi níhi nɛ ni nɛmɛ nɛ hi zugba a nɔ kekle ɔ pee ɔ, nyɛ ko pee nɛ nyɛ ba ble nyɛ he. Imi ji Yawɛ, nyɛ Mawu ɔ nɛ.”

Mose V, 11:16

Nyɛɛ hyɛ nɛ hi kɛkɛ, konɛ a ko mlɔɔ nyɛ kɛ je Yawɛ he kɛ ya ja mawu kpahi, nɛ nyɛ sɔmɔ mɛ.

Mose V, 18:9

“Ke o ya su zugba a nɛ Yawɛ, o Mawu ɔ ngɛ mo hae ɔ nɔ ɔ, mo ko pee je ma amɛ nɛ ngɛ lejɛ ɔ a ní hiɔmi ní ɔmɛ.

Matsɛmɛ II, 16:10

Benɛ Matsɛ Ahaz, kɛ Asiria matsɛ, Tiglat Pileser ya kpe ngɛ Damasko ɔ, e na bɔ sami la tɛ ɔ ngɛ lejɛ ɔ. Matsɛ Ahaz ngɔ bɔ sami la tɛ ɔ henɔ pɛpɛɛpɛ kɛ mane osɔfo Uria.

Ezekiel 11:12

Kɛkɛ ɔ, nyɛ maa le kaa imi ji Yawɛ; ejakaa nyɛ yi ye mlaa amɛ, kɛ blɔ nya tomi ɔmɛ a nɔ; je ma amɛ nɛ bɔle nyɛ kɛ kpe ɔ, mɛ mohu a mlaahi a nɔ nyɛ yeɔ.”