Mose V, 12:29 - BAIBLO ALOO NGMAMI KLƆUKLƆU Ɔ

²⁹ “Yawɛ, nyɛ Mawu ɔ ma kpata je ma amɛ nɛ nyɛ yaa ngɔ a zugba a a hɛ mi, nɛ nyɛ maa hi lejɛ ɔ kulaa.

Mose V, 12:29 ပူးပေါင်းရင်းမြစ်များ

Yoshua 23:4

I dla weto ní ngɔ ha nyɛ wɛtso ɔmɛ momo. Lɔ ɔ ji je ma amɛ nɛ a yi a nɔ lolo ɔ, kɛ je ma amɛ tsuo nɛ i ye a nɔ momo ɔ a zugba amɛ, kɛ je Yordan pa a nya ngɛ beleku je, kɛ ya su Mediterenia wo ɔ nya ngɛ bonyoku je.

Mose V, 19:1

“Ke Yawɛ, o Mawu ɔ kpata je ma amɛ a hɛ mi, nɛ e ngɔ a zugba a kɛ ha mo, nɛ o ba ye a nane mi ngɛ a ma amɛ, kɛ a we ɔmɛ a mi ɔ,

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose V, 12:30

Ke Yawɛ kpata jamɛ a je ma amɛ a hɛ mi se ɔ, nyɛɛ hyɛ saminya nɛ nyɛ ko ya nyɛɛ a we amaga jami ní peemi ní ɔmɛ a se, ejakaa e maa pee gbenɔ ha nyɛ. Nyɛ ko hla a mawu ɔmɛ a se blɔ, nɛ nyɛ ko bi ke, ‘Kɛ jamɛ a ni ɔmɛ jaa a mawu ɔmɛ kɛɛ, konɛ wɔ hu waa pee ja!’

Yoshua 21:43

Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.