Mose V, 12:25 - BAIBLO ALOO NGMAMI KLƆUKLƆU Ɔ

²⁵ Ke nyɛ ye mlaa nɛ ɔ nɔ ɔ, Yawɛ bua maa jɔ, nɛ nɔ́ tsuaa nɔ́ maa hi ha nyɛɛ kɛ nyɛ nina tsuo.

Mose V, 12:25 ပူးပေါင်းရင်းမြစ်များ

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Mose V, 6:18

Nɔ́ tsuaa nɔ́ nɛ Yawɛ de ke e da, loo e hi ɔ, nyɛɛ pee. Ke nyɛ pee ja a, e maa hi ha nyɛ, nɛ nyɛ ma nyɛ ya ngɔ zugba kpakpa a nɛ Yawɛ wo nyɛ nɛmɛ ɔmɛ si ke e ma ha mɛ ɔ;

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?

Fiɛlɔ 2:26

Nihi nɛ peeɔ Mawu suɔmi nya ní ɔ, Mawu haa mɛ nile, ga, kɛ bua jɔmi. Se yayami peeli lɛɛ, e haa a tsuɔ ní, nɛ a buaa níhi a nya, konɛ e ngɔ ngɛ a dɛ kɛ ha ni nɛmɛ nɛ peeɔ lɛ, Mawu ɔ suɔmi nya ní. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

La 112:2

E nina maa pee ni nguanguahi ngɛ zugba a nɔ. Nɔ nɛ peeɔ nɔ́ nɛ da a, a maa gbaa e ngmɛdu.

Mose V, 12:28

Nɔ́ tsuaa nɔ́ nɛ i fa nyɛ ke nyɛɛ pee, nɛ i wo nyɛ mlaa ngɛ he ɔ, nyɛɛ ye nɔ fitsofitso; kɛkɛ ɔ, níhi a mi maa hi ha nyɛ kɛ nyɛ nia tsuo kɛ maa ya neneene; ejakaa ke nyɛ pee ja a, nyɛ ngɛ nɔ́ nɛ da, kɛ nɔ́ nɛ saa Yawɛ, nyɛ Mawu ɔ hɛ mi pee.

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose V, 12:24

Nyɛ ko ngɔ muɔ kɛ pee niye ní; mohu nyɛɛ tsɛ̃ pue zugba kaa nyu.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Mose V, 21:9

Lɔ ɔ he ɔ, moo pee kaa bɔ nɛ Yawɛ ngɛ hlae kaa o pee ɔ, nɛ a be gbenɔ nɛ ɔ he musu woe kɛ tloo mo.