Mose V, 12:20 - BAIBLO ALOO NGMAMI KLƆUKLƆU Ɔ

²⁰ “Ke Yawɛ, nyɛ Mawu ɔ bli nyɛ huzu ɔmɛ a mi kaa bɔ nɛ e wo si ɔ, nyɛ ma nyɛ maa ye de lo be tsuaa be nɛ nyɛ suɔ.

Mose V, 12:20 ပူးပေါင်းရင်းမြစ်များ

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 31:30

I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”

Samuel II, 13:39

Se benɛ kɔɔhiɔ fia Amnon gbenɔ ɔ mi bɔɔ ɔ, David hɛ ja ngɛ Absalom he; nɛ e ná nɛ e na lɛ ekohu.

Samuel II, 23:15

David kɛ he hiami bi ke, “Mɛnɔ po ma ya yɛ nyu ngɛ vu ɔ nɛ ngɛ agbo ɔ kasa nya ngɛ Betlehem ma a mi ɔ ba ha mi nɛ ma nu?”

Kronika I, 4:10

Se Yabez fa kue ha Israel Mawu ɔ ke, “Mawu, i kpa mo pɛɛ nɛ o gbaa mi, nɛ o ha mi zugba nɛ kle. O kɛ mi nɛ hi si, nɛ o je ní yayamihi nɛ maa pee haomi kɛ je ye blɔ mi.” Nɛ Mawu ha lɛ nɔ́ nɛ e bi lɛ ɔ.

La 107:9

Nihi nɛ kuma ye mɛ ɔ, e ha mɛ nyu nɛ a nu; ni nɛmɛ nɛ hwɔ ye mɛ ɔ, e ha mɛ ní nɛ a ye nɛ a tɔ.

La 119:174

Yawɛ, i ngɛ mo blɔ hyɛe; ba he ye yi wami koo! O mlaa a pɛ lɛ haa ye bua jɔɔ ye he.

La 119:20

Daa nɛ ɔ, i ngɛ ye tsui yee kaa ma le o mlaa amɛ.

La 119:40

Hyɛ kaa i suɔ o mlaa amɛ; ha mi wami he, ejakaa o peeɔ nɔ nɛ da.

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose IV, 11:34

Enɛ ɔ he je ɔ, a wo lejɛ ɔ biɛ ke, “Jiklɔɔtsɛmɛ a Yɔkɔhi.” Ejakaa nihi nɛ pee de lo he jiklɔɔ ɔ, lejɛ ɔ a pu mɛ ngɛ.

Mose IV, 11:4

E ba mi kaa de lo ba bɔni futufututsɛmɛ nɛ ngɛ Israel bi ɔmɛ a kpɛti ɔ jlomi. Israel bi ɔmɛ nitsɛ hu wo yana ekohu nɛ a bi ke, “Ao, wa be de lo nae maa ye lo?

2 Korintobi 9:14

A kɛ suɔmi nɛ nya wa ma kpa Mawu pɛɛ ha nyɛ, ejakaa Mawu hu je suɔmi agbo nɛ hí kalemi kpo ha nyɛ.

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Mose V, 12:15

“Se kɛ̃ ɔ, nyɛ ma nyɛ maa gbe nyɛ lohwe ɔmɛ nɛ nyɛɛ ye ngɛ nyɛ hi he ɔmɛ. Nyɛɛ ye bɔ nɛ nyɛ suɔ, kaa bɔ nɛ Yawɛ, nyɛ Mawu dloo nyɛ ɔ. Nɔ tsuaa nɔ nɛ ye; ke ngɛ kɔ nya a, nɔ ɔ he tsɔ jio, e he tsɔ we jio, e ye kaa bɔ nɛ nyɛ yeɔ bayelɔ, loo avugbɛ lo ɔ.

Mose V, 12:21

Se ke he nɛ a to kaa a ja Yawɛ, nyɛ Mawu ɔ ngɛ ɔ kɛ tsɔ ɔ, nyɛ ma nyɛ maa gbe nyɛ na, loo to nɛ Yawɛ kɛ dloo nyɛ ɔ eko, nɛ nyɛɛ ye lɔ ɔ ngɛ nyɛ we mi kaa bɔ nɛ i de nyɛ momo ɔ.

Mose V, 19:8

“Ke Yawɛ, o Mawu ɔ ha nɛ o zugba a ba kle kaa bɔ nɛ e de o nɛmɛ ɔmɛ ke e maa pee ɔ, nɛ e ngɔ zugba a tsuo ngɔ ha mo ɔ,

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

Filipibi 2:26

E hɛ ngɛ jae wawɛɛ ngɛ nyɛ tsuo nyɛ he, nɛ akɛnɛ nyɛ nu kaa e be he wami ɔ, e ngɛ tsui yee.