Mose V, 12:2 - BAIBLO ALOO NGMAMI KLƆUKLƆU Ɔ

² Hehi nɛ je ma amɛ nɛ nyɛ yaa fie ɔ jaa a mawu ɔmɛ ngɛ, ngɛ yo gaga amɛ a nɔ, yoku ɔmɛ a nɔ, kɛ tso kusuu ɔmɛ a sisi ɔ, nyɛ kpata a hɛ mi.

Mose V, 12:2 ပူးပေါင်းရင်းမြစ်များ

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Matsɛmɛ I, 3:2

Jamɛ a be ɔ, a na we nɛ a ma we ha Yawɛ lolo; lɔ ɔ he ɔ, ma a ya nɔ nɛ a sã bɔ ngɛ wɔ piɛ ɔmɛ a mi.

Matsɛmɛ II, 11:18

Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi. Osɔfo Yehoyada ngɔ buli ya to Yawɛ we ɔ.

Matsɛmɛ II, 16:4

Ahaz sã bɔ, kɛ tsopa kɛ e he via ngɛ jami he ɔmɛ, ngɛ yoku ɔmɛ a nɔ, kɛ tsohi nɛ bɔ kusuu ɔ a sisi.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Yesaya 36:7

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ! Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia a? Pi lɛ nɛ e de Yuda, kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ hɛ mi lo?

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Hosea 4:13

A ya sã bɔ ngɛ yohi a yi mi, nɛ a sã tsopa kɛ e he via hu ngɛ tso gagaahi nɛ bɔ kusuu a sisi, ngɛ yokuhi a yi mi, ejakaa lejɛ ɔ hɔ̃ ɔ mi jɔ. “Enɛ ɔ lɛ ha nɛ nyɛ biyi ɔmɛ ya peeɔ a he yaholi, nɛ nyɛ yigbayi ɔmɛ hu puɛɔ gba a nɛ.

Mose IV, 22:41

E nɔ jena a, Balak ngɔ Balaam kɛ ho Bamot Baal ya, nɛ Balaam na Israel ma a fa ko kɛ je lejɛ ɔ.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Manyadali 2:2

Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!