Mose V, 12:11 - BAIBLO ALOO NGMAMI KLƆUKLƆU Ɔ

¹¹ Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 12:11 ပူးပေါင်းရင်းမြစ်များ

Mose V, 15:20

Daa jeha a, o kɛ o weku li nɛ ye mɛ ngɛ Yawɛ hɛ mi ngɛ he nɛ e to nɛ a ja lɛ ngɛ ɔ.

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose V, 18:6

“Levi no saisaa ma nyɛ maa je Israel ma amɛ eko fɛɛ eko mi kɛ ba he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 17:8

“E ma nyɛ maa ba mi kaa sane komɛ a yemi kɛ he buámi nya maa wa tsɔ ha ma amɛ eko mi kojoli, kaa weto ní blɔ nya he pleemi sane komɛ kikɛ, loo kaa a plaa nɔ ko, loo sane komɛ nɛ a ngɛ mi hlae, konɛ a na kaa pe a je blɔ gbe nɔ ko nɛ e gbo ɔ, loo a li be nɛ a fia lɛ nɔ́ nɛ e gbo. Ke e ba lɛ ja a, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Yeremia 7:12

Nyɛɛ ya Shilo, kekleekle ma, he nɛ i hla kaa a ja mi ngɛ ɔ nɛ nyɛ ya hyɛ bɔ nɛ i pee lejɛ ɔ ngɛ ye ma Israel he yayami ɔmɛ a he.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Matsɛmɛ I, 8:13

Jehanɛ lɛɛ, i po we saminyayoo ko ha mo nɛ o hi lejɛ ɔ kɛ ya neneene.”

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Mose V, 31:11

Ke Israel ma a tsuo ba bua a he nya ngɛ Yawɛ, nyɛ Mawu ɔ hɛ mi ngɛ he nɛ a to nɛ a ja lɛ ngɛ ɔ, nyɛɛ kane mlaa nɛ ɔ nɛ a nu.

Mose V, 26:2

nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.

Mose V, 23:16

É hi o ngɔ ngɛ ma amɛ eko nɛ e suɔ mi kɛkɛ; koo wa lɛ yi mi.

Mose V, 14:23

Lɔ ɔ se ɔ, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛɛ ye nyɛ blɛfo, wai, kɛ oliv nu mi dlami nyɔngmanyɔngma mi kakaaka a, kɛ nyɛ na amɛ, kɛ to ɔmɛ a kekleekle bi ɔmɛ ngɛ Yawɛ hɛ mi. Nyɛɛ pee enɛ ɔ kɛ kase bɔ nɛ nyɛ maa ye Yawɛ, nyɛ Mawu ɔ gbeye nyɛ wami be tsuo.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.

Mose V, 12:21

Se ke he nɛ a to kaa a ja Yawɛ, nyɛ Mawu ɔ ngɛ ɔ kɛ tsɔ ɔ, nyɛ ma nyɛ maa gbe nyɛ na, loo to nɛ Yawɛ kɛ dloo nyɛ ɔ eko, nɛ nyɛɛ ye lɔ ɔ ngɛ nyɛ we mi kaa bɔ nɛ i de nyɛ momo ɔ.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:14

Nyɛɛ sã bɔ ɔmɛ ha Yawɛ ngɛ he kake nɛ lɛ nitsɛ e maa to ngɛ nyɛ wɛtso ɔmɛ a kpɛti kake zugba mi ɔ pɛ. Lejɛ ɔ pɛ nyɛɛ sã nyɛ bɔ ɔmɛ nɛ nyɛ maa sã a, nɛ nyɛɛ pee ní kpa amɛ tsuo nɛ i fa nyɛ ke nyɛɛ pee ɔ ngɛ.

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Mose V, 12:13

Nyɛɛ hyɛ saminya nɛ nyɛ ko ya sã nyɛ sami bɔ ɔmɛ ngɛ he saisaa nɛ nyɛ suɔ.

Yoshua 22:23

Ke wa bui Yawɛ tue, nɛ wa ma wɔ nitsɛmɛ wa bɔ sami la tɛ, nɛ́ waa sã sami bɔhi, loo ngma bɔhi, loo tue mi jɔmi bɔhi ngɛ nɔ ɔ, lɛɛ Yawɛ nitsɛ nɛ gbla wa tue!

Yoshua 22:27

se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Samuel I, 1:21

Jeha ba su ekohu, nɛ Elkana kɛ e we ɔ tsuo ho Shilo ya, konɛ a ya sã daa jeha bɔ ɔ, kɛ bɔ titli ko hu nɛ e wo Yawɛ he si ɔ.

Matsɛmɛ I, 8:16

‘Kɛ je be nɛ i je ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi nɛ a ja mi ngɛ lejɛ ɔ. Se i hla mo David, nɛ o ye ye ma, Israel ɔ nɔ.’ ”

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Kronika II, 7:12

Kɛkɛ nɛ Yawɛ je e he kpo ngɔ tsɔɔ Salomo nyɔ mi, nɛ e de lɛ ke, “I nu o kue fami ɔ, nɛ i ngɔ we nɛ ɔ kaa he nɛ a maa sã bɔhi ngɛ kɛ ha mi.

Ezra 6:12

Matsɛ tsuaa matsɛ, loo ma tsuaa ma nɛ maa te si kɛ si mlaa nɛ ɔ, nɛ́ ma hla kaa a kpata Mawu we ɔ hɛ mi ɔ, Mawu ɔ nɛ hla Yerusalem ngɔ to kaa e hi he ɔ nɛ kpata a hɛ mi. Imi Darius nɛ i ngɛ mlaa nɛ ɔ woe. Á ye nɔ pɛpɛɛpɛ.”

La 100:2

Nyɛ sɔmɔ Yawɛ kɛ bua jɔmi; nyɛɛ ba e hɛ mi kɛ bua jɔmi lahi!

Mose V, 15:19

“Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.

Yoshua 22:11

Israel bi kpa amɛ nɛ piɛ ɔ nu kaa Ruben wɛtso ɔ, Gad wɛtso ɔ, kɛ Manase wɛtso fa a ya ma bɔ sami la tɛ ngɛ Yordan pa a he ngɛ Gelilot, ngɛ a zugba a mi.

Yoshua 22:16

A bi mɛ ngɛ Yawɛ ma a tsuo nane mi ke, “Mɛni he je nɛ nyɛ pee yayami kaa kikɛ nɛ ɔ kɛ si Israel Mawu ɔ? Bɔ sami la tɛ ɔ nɛ nyɛ ma nɛ ɔ tsɔɔ kaa nyɛ kua Yawɛ, nɛ nyɛ tsɔ e hɛ mi atuã!

Yoshua 22:29

Wa be Yawɛ hɛ mi atuã tsɔe kɔkɔɔkɔ, nɛ wa be e se jee gblegbleegble kɛ ya ma bɔ sami la tɛ kpa ko nɛ waa sã sami bɔ, loo niye ní bɔ, loo bɔ kpa ko ngɛ nɔ. Wa be bɔ sami la tɛ kpa ko mae kɛ piɛ Yawɛ, wa Mawu ɔ bɔ sami la tɛ ɔ nɛ ngɛ kpe he bo tsu ɔ hɛ mi ɔ he.”

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”

La 66:13

Ma ngɔ sami bɔ kɛ ba o we ɔ, ma ye ye siwo ɔmɛ a nɔ ha mo.

La 116:17

Ma sã bɔ kɛ na mo si; mo Yawɛ ma fa kue ha.