Mose V, 12:10 - BAIBLO ALOO NGMAMI KLƆUKLƆU Ɔ

¹⁰ Ke nyɛ po Yordan pa a, Yawɛ ma ha nyɛ maa ngɔ zugba a nɛ nyɛɛ hi nɔ. E ma ha nyɛ tue mi maa jɔ nyɛ kɛ je nyɛ he nyɛli tsuo nɛ bɔle nyɛ kɛ kpe ɔ a dɛ mi.

Mose V, 12:10 ပူးပေါင်းရင်းမြစ်များ

Matsɛmɛ I, 4:25

Salomo yi nɔ ɔ, Yuda kɛ Israel tsuo hi si ngɛ he jɔmi mi kɛ je Dan kɛ ya si Beersheba; nɔ tsuaa nɔ ngɛ lɛ nitsɛ e wai tso kɛ ngmɔkɔ tso.

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.

Kronika I, 22:18

E de mɛ ke, “Yawɛ, nyɛ Mawu ɔ kɛ nyɛ nɛ hi si, nɛ e ha nyɛ tue mi jɔmi ngɛ he tsuaa he nɛ nyɛ ngɛ ɔ. Nihi nɛ ngɛ zugba nɛ ɔ nɔ loko wa ba hiɛ ɔ, Yawɛ ngɔ mɛ tsuo ngɔ wo ye dɛ mi. I ye a nɔ kunimi, nɛ amlɔ nɛ ɔ, a ba pee nyɛɛ kɛ Yawɛ nyɛ sɔmɔli.

La 4:8

Ma hwɔ si nɛ ma hwɔ mahe ngɛ tue mi jɔmi mi. Ejakaa mo, Yawɛ pɛ lɛ o haa nɛ ye he mi jɔɔ mi.

Mose II, 33:14

Yawɛ he nɔ ke, “Imi nitsɛ i kɛ mo maa nyɛɛ kɛ ya fiafiaafia.”

Abɛ Womi 1:33

Se nɔ tsuaa nɔ nɛ buɔ mi tue ɔ, e maa hi si ngɛ he jɔmi mi, nɛ e be gbeye yee kaa haomi ko maa ba e nɔ.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.

Ezekiel 38:11

O ma de ke o ma ya tua ma ko nɛ e mi bi hii si kpoo ngɛ tue mi jɔmi, kɛ he jɔmi mi. Gbogbo be ma amɛ a he ɔ, agbo se lami dade ko hu be.

Ezekiel 38:8

Jeha komɛ a se ɔ, ma ha e ma ya tua nihi ngɛ Israel yo ɔmɛ a nɔ. A kɛ ta kpata zugba nɛ ɔ hɛ mi be ko, nɛ a si lejɛ ɔ ngɔ fɔ si gu jeha babauu, se jehanɛ lɛɛ a bua nihi a nya ngɛ lejɛ ɔ ngɛ tue mi jɔmi mi.

Mose V, 11:31

E su be nɛ nyɛ maa po Yordan pa a, nɛ nyɛ ma ya ngɔ zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɛ nyɛɛ hi nɔ. Ke nyɛ ya ngɔ zugba a, nɛ nyɛ ngɛ nɔ ɔ,

Mose V, 3:27

Kuɔ ɔ kɛ ya Pisga yo ɔ yi mi, konɛ o hyɛ kɛ o hɛngmɛ kɛkɛ, kɛ je beleku je kɛ ya bonyoku je, jehanɛ kɛ je omleyi je kɛ ya leneyi je. Hyɛ he tsuaa he saminya; ejakaa o be Yordan pa nɛ ɔ poe kɔkɔɔkɔ.

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.

Mose V, 4:22

Imi lɛɛ ma gbo ngɛ hiɛ ɔ, ngɛ zugba nɛ ɔ nɔ, nɛ i be Yordan pa a poe; se nyɛɛ lɛɛ nyɛ maa po pa a kɛ ya ngɔ zugba kpakpa a.

Mose V, 9:1

“Nyɛɛ bu tue, Israel bi; mwɔnɛ ɔ, nyɛ maa po Yordan pa a, konɛ nyɛ ya fie je ma amɛ nɛ kle, nɛ a he wa pe nyɛ ɔ. A fia gbogbo nɛ ya hiɔwe ploplooplo ngɔ wo a ma amɛ a he.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 14:1

Bɔ nɛ a dla Kanaan zugba a nɛ ngɛ Yordan bonyoku je ɔ ngɔ ha Israel bi ɔmɛ kaa a weto ní ji nɛ ɔ nɛ. Osɔfo Eleazar, Nun binyumu Yoshua, kɛ Israel wɛtsoyi ɔmɛ dla zugba a ngɔ ha ma a.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Yoshua 4:12

Kaa bɔ nɛ Mose de mɛ momo ɔ, nyumuhi nɛ ngɛ Ruben, Gad, kɛ Manase wɛtso fa a a mi ɔ, mia kɛ nyɛɛ Israel bi ɔmɛ a hɛ mi kɛ po pa a.

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”