Mose V, 11:28 - BAIBLO ALOO NGMAMI KLƆUKLƆU Ɔ

²⁸ se e maa pee gbiɛmi, ke nyɛ yi mlaa nɛ ɔmɛ a nɔ, nɛ nyɛ kpale kɛ ya ja mawu kpahi nɛ nyɛ ja we mɛ hyɛ ɔ.

Mose V, 11:28 ပူးပေါင်းရင်းမြစ်များ

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Abɛ Womi 3:33

Yawɛ gbiɛmi ngɛ yiwutsotsɛmɛ a wehi a nɔ, se nihi nɛ peeɔ nɔ́ nɛ da a, mɛɛ a hi he ɔ, gbaami sɔuu.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.