Mose V, 11:25 - BAIBLO ALOO NGMAMI KLƆUKLƆU Ɔ

²⁵ He tsuaa he nɛ nyɛ maa ya ngɛ jamɛ a zugba a nɔ ɔ, Yawɛ ma ha ni ɔmɛ maa ye nyɛ gbeye kaa bɔ nɛ e wo si ɔ, nɛ nɔ ko nɔ ko be nyɛ nyɛe.

Mose V, 11:25 ပူးပေါင်းရင်းမြစ်များ

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

Mose II, 23:27

“Ma tsuaa ma nɛ o ma pã nɔ ɔ, ma ha sawale maa nu ma mi bi ɔmɛ tsuo. Ni nɛmɛ nɛ maa te si kɛ wo mo ɔ, ma ha a kpɛti maa pee basabasa; nɛ ma ha o he nyɛli ɔmɛ tsuo maa tu o nya fo.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.