Mose V, 11:15 - BAIBLO ALOO NGMAMI KLƆUKLƆU Ɔ

¹⁵ Nyɛ ma na nga hu kɛ ha nyɛ na amɛ, nɛ nyɛ maa ye ní nɛ nyɛ maa tɔ.

Mose V, 11:15 ပူးပေါင်းရင်းမြစ်များ

Mose V, 6:11

wehi kɛ a mi ní kpakpahi babauu nɛ pi nyɛ nɛ nyɛ wo a mi ní ɔmɛ, nyu vuhi nɛ pi nyɛ nɛ nyɛ tsua, wai ngmɔhi, kɛ oliv tsohi nɛ pi nyɛ nɛ nyɛ du ɔ, ke nyɛ na ní nɛ ɔmɛ nɛ nyɛ ye, nɛ nyɛ tɔ ɔ,

La 104:14

O haa nɛ nga puɛɔ ha lohwehi; o haa nɔmlɔ adesa tsohi nɛ e du, konɛ e ná niye ní kɛ je zu mi.

Yoel 2:19

Yawɛ de e ma a ke, “Jehanɛ ma ha nyɛ blɛfo, kɛ wai, kɛ oliv nu bɔ nɛ maa su nyɛ nya; je ma kpa amɛ be nyɛ ahlua bɔe hu.

Yoel 2:22

Nyɛ nga mi lohwehi, nyɛ ko ye gbeye. Nga mumu puɛ ngɛ nga a nɔ ngɛ lohwe lɛmi he ɔmɛ; tso ɔmɛ ngɛ yiblii woe; ngmɔkɔ kɛ wai ba babauu.

Mose V, 8:10

Nyɛ ma na ní maa ye maa tɔ; nɛ nyɛ maa na Yawɛ, nyɛ Mawu ɔ si ngɛ zugba nɛ baa ní saminya nɛ e ha nyɛ ɔ he.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Yoel 1:18

Hyɛ bɔ nɛ we mi lohwehi ngɛ kɛmɛe ha! Na amɛ hao, ejakaa a nɛ nga nɛ a kpe; to ɔmɛ hu ngɛ nɔ́ nae jã kɛ̃.

Yeremia 14:5

Odabɔ tete po fɔɔ nɛ e jeɔ e bi he ngɛ nga nɔ, ejakaa nga ko nga ko be lejɛ ɔ.

Matsɛmɛ I, 18:5

Ahab de Obadia ke, “Ha nɛ wa ya kpa zugba a nɔ nɛ waa hyɛ kaa wa ma na nga ngɛ pa amɛ, kɛ kɔ̃ ɔmɛ a mi ba ha wa okpɔngɔ ɔmɛ, kɛ teji okpɔngɔ ɔmɛ nɛ a kpe, konɛ wa ko ba gbe wa lohwe ɔmɛ.”

Mose III, 26:5

Nyɛ ngmɔ ɔmɛ maa ba ní saminya; nyɛ maa hi blɛfo kpɔe hluu kɛ yaa si wai yiblii nya buami be; nɛ nyɛ maa hi wai yiblii nya buae hluu kɛ maa su blɛfo dumi be ekohu. Nyɛ maa ye ní, nɛ nyɛ maa tɔ; nyɛ maa hi si ngɛ tue mi jɔmi mi ngɛ zugba a nɔ.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.