Mose V, 11:14 - BAIBLO ALOO NGMAMI KLƆUKLƆU Ɔ

¹⁴ Ke nyɛ pee ja a, e ma ha hiɔmi maa nɛ ngɛ e be mi gbo kɛ gbiɛ tsuo, nɛ nyɛ ma na blɛfo, wai, kɛ nu.

Mose V, 11:14 ပူးပေါင်းရင်းမြစ်များ

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 5:24

Nyɛ susuu we hyɛ kaa e sa kaa nyɛɛ wo imi Yawɛ, nyɛ Mawu ɔ, ye hɛ mi nyami: imi nɛ i haa nɛ gbo kɛ gbiɛ nyu nɛɛ ha nyɛ ngɛ be nɛ sa mi, nɛ i haa nɛ nyɛ kpaa ní daa jeha a!

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Yoel 2:19

Yawɛ de e ma a ke, “Jehanɛ ma ha nyɛ blɛfo, kɛ wai, kɛ oliv nu bɔ nɛ maa su nyɛ nya; je ma kpa amɛ be nyɛ ahlua bɔe hu.

Mose III, 26:3

“Ke nyɛ bu ye gbi tue nɛ nyɛ ye ye blɔ nya tomi ɔmɛ, kɛ ye mlaa amɛ a nɔ ɔ,

Mose III, 26:4

ma ha hiɔmi maa nɛ ngɛ e be mi; zugba a maa ba ní babauu, nɛ tso ɔmɛ maa wo yiblii.

Malaki 3:11

I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Mose V, 28:12

Yawɛ ma ha hiɔmi maa nɛ ngɛ e be mi; e maa gbaa nyɛ ní tsumi tsuo pɛpɛɛpɛ. Mahi babauu ma ba pa ní ngɛ nyɛ dɛ, se nyɛɛ lɛɛ e be nyɛ hiae kaa nyɛ ya pa nɔ́ ko ngɛ ma ko ma ko dɛ.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.