Mose V, 11:13 - BAIBLO ALOO NGMAMI KLƆUKLƆU Ɔ

¹³ “Lɔ ɔ he ɔ, nyɛɛ ye mlaa amɛ nɛ i ngɛ nyɛ woe mwɔnɛ ɔ a nɔ; nyɛɛ suɔ Yawɛ, nyɛ Mawu ɔ, nɛ nyɛ ja lɛ kɛ nyɛ tsui tsuo.

Mose V, 11:13 ပူးပေါင်းရင်းမြစ်များ

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

La 119:2

A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,

La 119:4

Yawɛ, o wo o mlaa amɛ, konɛ a ye nɔ sisiisi.

Yeremia 17:24

“De nimli nɛ ɔmɛ ke a ye imi Yawɛ, ye mlaa amɛ tsuo a nɔ. A ko tloo tlomi ko kɛ gu agbo ɔmɛ a mi ngɛ ma nɛ ɔ mi Hejɔɔmi ligbi ɔ. A ye Hejɔɔmi ligbi ɔ kaa ligbi klɔuklɔu, nɛ a ko tsu nɔ́ ko nɔ́ ko jamɛ a ligbi ɔ.

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Mose III, 26:3

“Ke nyɛ bu ye gbi tue nɛ nyɛ ye ye blɔ nya tomi ɔmɛ, kɛ ye mlaa amɛ a nɔ ɔ,

Mose III, 26:4

ma ha hiɔmi maa nɛ ngɛ e be mi; zugba a maa ba ní babauu, nɛ tso ɔmɛ maa wo yiblii.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 11:22

“Nyɛɛ hyɛ nɛ nyɛɛ ye mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ. Nyɛɛ suɔ Yawɛ, nyɛ Mawu ɔ, nɛ nyɛɛ pee nɔ́ tsuaa nɔ́ nɛ i fa nyɛ ke nyɛɛ pee ɔ, nɛ nyɛɛ ye lɛ anɔkuale.

Mose V, 11:8

“Nyɛɛ ye mlaa amɛ tsuo nɛ i ngɛ nyɛ woe mwɔnɛ nɛ ɔ a nɔ. Lɔ ɔ loko nyɛ ma nyɛ maa po pa a kɛ ya ngɔ zugba a nɛ nyɛ yaa sɛ mi ɔ.

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Mose V, 7:12

“Ke nyɛ bu mlaa nɛ ɔmɛ tue, nɛ nyɛ ye a nɔ pɛpɛɛpɛ ɔ, lɛɛ Yawɛ, nyɛ Mawu ɔ maa ye somi nɛ e kɛ nyɛ so ɔ nɔ, nɛ e ma je e suɔmi nɛ ngɛ daa a kpo kɛ tsɔɔ nyɛ kaa bɔ nɛ e wo nyɛ nɛmɛ ɔmɛ si ɔ;