Mose V, 11:1 - BAIBLO ALOO NGMAMI KLƆUKLƆU Ɔ

¹ “Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 11:1 ပူးပေါင်းရင်းမြစ်များ

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

La 116:1

I suɔ Yawɛ, ejakaa e nuɔ ye kue fami ɔ, nɛ e buɔ mi tue.

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

Mose III, 18:30

Yawɛ de kɛ gbe nya ke, “Lɔ ɔ he ɔ, nyɛɛ ye ye mlaa amɛ a nɔ. Musu bɔmi níhi nɛ ni nɛmɛ nɛ hi zugba a nɔ kekle ɔ pee ɔ, nyɛ ko pee nɛ nyɛ ba ble nyɛ he. Imi ji Yawɛ, nyɛ Mawu ɔ nɛ.”

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Mose III, 8:35

Nyɛɛ hi kpe he bo tsu ɔ sinya a nya nyɔ kɛ pia ligbi kpaago kɛ tsu ní tsumi nɛ Yawɛ kɛ wo nyɛ dɛ ɔ; ke pi ja a, nyɛ ma gbo. Bɔ nɛ a fa mi ke ma de ji nɛ ɔ nɛ.”

Zakaria 3:7

bɔ nɛ Yawɛ Tabohiatsɛ ɔ de ji nɛ ɔ nɛ: “Ke o maa ye mlaa amɛ a nɔ, nɛ o maa hɛɛ ye blɔ nya tomi ɔmɛ a mi ɔ, ma ha nɛ o ye ye we ɔ, kɛ e he kue ɔmɛ a nɔ. Ma ha mo blɔ he ngɛ nihi nɛ daa si ngɛ ye hɛ mi ɔ a kpɛti.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 11:13

“Lɔ ɔ he ɔ, nyɛɛ ye mlaa amɛ nɛ i ngɛ nyɛ woe mwɔnɛ ɔ a nɔ; nyɛɛ suɔ Yawɛ, nyɛ Mawu ɔ, nɛ nyɛ ja lɛ kɛ nyɛ tsui tsuo.

Mose V, 11:22

“Nyɛɛ hyɛ nɛ nyɛɛ ye mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ. Nyɛɛ suɔ Yawɛ, nyɛ Mawu ɔ, nɛ nyɛɛ pee nɔ́ tsuaa nɔ́ nɛ i fa nyɛ ke nyɛɛ pee ɔ, nɛ nyɛɛ ye lɛ anɔkuale.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 27:10

Lɔ ɔ he ɔ, nyɛɛ bu Yawɛ, nyɛ Mawu ɔ gbi tue, nɛ nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.”

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.