Mose V, 10:8 - BAIBLO ALOO NGMAMI KLƆUKLƆU Ɔ

⁸ Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Mose V, 10:8 ပူးပေါင်းရင်းမြစ်များ

Matsɛmɛ I, 8:6

Enɛ ɔ se ɔ, osɔfo ɔmɛ ngɔ somi daka a ya ma e blɔ he ngɛ he klɔuklɔu pe kulaa a, ngɛ kerub ɔmɛ a pɛli ɔmɛ a sisi.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Kronika I, 15:26

A gbe na ku kpaago, kɛ jijɔ kpaago kɛ sã bɔ, ejakaa Mawu piɛ Levi bi ɔmɛ nɛ hɛɛ somi daka a a he.

Kronika I, 23:13

Kohat bitɛte nɛ ji Amram ɔ lɛɛ e binyumuhi ji Aaron kɛ Mose. Aaron kɛ e nina lɛɛ a hla mɛ ngɔ to, nɛ a ngɔ Yawɛ we ɔ ní klɔuklɔu ɔmɛ ngɔ wo a dɛ. A ní tsumi ji a sã tsopa kɛ e he via kɛ ha Yawɛ, á sɔmɔ Yawɛ, nɛ á kɛ Yawɛ biɛ nɛ gbaa ma a.

Kronika I, 23:26

Enɛ ɔ he je ɔ, e pa hia we hu kaa Levi bi ɔmɛ nɛ a hɛɛ kpe he bo tsu ɔ, kɛ ní ɔmɛ tsuo nɛ a kɛ jaa Mawu ɔ.”

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

Kronika II, 30:27

Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

La 134:1

Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi

La 134:2

Nyɛ wo nyɛ nine nɔ ngɛ he klɔuklɔu ɔ, nɛ nyɛ je Yawɛ yi.

La 135:2

Nyɛ nihi nɛ nyɛ daa si ngɛ Yawɛ we ɔ, ngɛ wa Mawu ɔ he klɔuklɔu ɔ, nyɛ je e yi!

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Ezekiel 44:11

A ma sɔmɔ ngɛ ye we ɔ; a maa bu agbo ɔmɛ a nya, nɛ a ma tsu ní ngɛ we ɔ. Lohwehi nɛ a kɛ ba sãã sami bɔ, kɛ bɔ kpahi ɔ, mɛ lɛ a maa gbe lohwe ɔ, nɛ mɛ nɔuu lɛ a ma sɔmɔ nihi nɛ ba bɔ sami ɔ.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Mose III, 8:9

E bu lɛ pɛɛ kɛ e hɛ mi sika tsu june nɛ ji jlasi klɔuklɔu kaa bɔ nɛ Yawɛ fa lɛ Mose ɔ.

Mose III, 9:22

Benɛ Aaron sã yayami pami bɔ ɔ, sami bɔ ɔ, kɛ tue mi jɔmi bɔ ɔ gbe nya a, e wo e nine nɔ ngɛ ma a nɔ nɛ e gbaa mɛ. Lɔ ɔ se ɔ, e kple si kɛ je he nɛ e sã bɔ ɔmɛ ngɛ ɔ.

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose IV, 3:6

“Moo kpee Levi bi ɔmɛ kɛ ba, nɛ o ngɔ mɛ ngɔ ha osɔfo Aaron nɛ a piɛ e he kɛ tsu ní.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Romabi 12:7

Ke a ha wɔ he wami nɛ a kɛ sɔmɔɔ nyɛmimɛ ɔ, wa sɔmɔ; ke ní tsɔɔmi ɔ, wa tsɔɔ.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Galatabi 1:15

Se, mamoo benɛ a na we nɛ a fɔ mi ɔ, jamɛ a be ɔ mi tɔɔ nɛ Mawu gu e dloomi ɔ nɔ nɛ e hla mi. Nɛ benɛ e to e yi mi kaa

Mose V, 17:12

Se nɔ nɛ ma tsɔ atuã kɛ si kojolɔ, loo osɔfo ɔ nɛ ngɛ sɔmɔe jamɛ a be ɔ mi ɔ, nyɛɛ gbe lɛ; kikɛmɛ a blɔ nɛ ɔ nɔ nyɛɛ gu kɛ je yayami kɛ je Israel ma a mi.

Mose V, 18:5

Levi bi ɔmɛ a wɛtso ɔ lɛ Yawɛ hla ngɛ wɛtso ɔmɛ tsuo a mi nɛ a sɔmɔ lɛ daa kaa osɔfohi.

Mose V, 21:3

Jehanɛ, ma nimeli ɔmɛ nɛ ngɛ ma nɛ kɛ lejɛ ɔ kɛ we pe kulaa mi ɔ nɛ a hla na zangmayo nɛ a kɛ lɛ tsu we nɔ́ ko hyɛ.

Mose V, 21:5

E hia kaa Levi bi ɔmɛ, nɛ ji osɔfo ɔmɛ hu nɛ a ya lejɛ ɔ; ejakaa mɛ lɛ a hyɛɛ mlaa sane tsuaa mlaa sane nɛ kɔɔ pɛ nɛ gbenɔ jeɔ mi ɔ mi, nɛ a buá he. Yawɛ, o Mawu ɔ nitsɛ nɛ hla mɛ, nɛ́ a sɔmɔ lɛ, nɛ́ a ngɔ e biɛ kɛ gbaa.

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.