Mose V, 10:4 - BAIBLO ALOO NGMAMI KLƆUKLƆU Ɔ

⁴ Jehanɛ, Yawɛ ngma munyu ɔmɛ nɛ e ngma ngɛ kekle tɛ tɛtlɛɛ enyɔ ɔmɛ a nɔ ɔ ngɔ wo tɛ tɛtlɛɛ ehe nɛ ɔmɛ a nɔ. Munyu nɛ ɔmɛ ji mlaa nyɔngma amɛ nɛ a ngma ha nyɛ, benɛ e tu munyu kɛ je la a mi ligbi ɔ nɛ nyɛ bua nyɛ he nya ngɛ yo ɔ he ɔ. Kɛkɛ nɛ Yawɛ ngɔ tɛ tɛtlɛɛ ɔmɛ ngɔ ha mi;

Mose V, 10:4 ပူးပေါင်းရင်းမြစ်များ

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Mose V, 18:16

“Ligbi ɔ nɛ nyɛ tsuo pɛpɛɛpɛ nyɛ bua nyɛ he nya ngɛ Sinai yo ɔ he ɔ, nyɛ kpa pɛɛ ke ma ko ha nɛ nyɛɛ nu Yawɛ munyu nɛ e ngɛ tue ɔ hu, loo nɛ nyɛɛ na bɔ nɛ e je e he kpo ngɛ la hleei ɔ mi ɔ; ejakaa nyɛ ye gbeye kaa nyɛ ma gbo.

Mose V, 9:10

Lɔ ɔ se ɔ, Yawɛ ngɔ tɛ tɛtlɛɛ enyɔ ɔmɛ ngɔ ha mi. Lɛ nitsɛ nɛ e ngɔ e nine nguɛ kɛ ngma munyu ɔmɛ tsuo nɛ e kɛ nyɛ tu kɛ je la a mi ngɛ yo ɔ nɔ jamɛ a ligbi ɔ nɛ nyɛ bua nyɛ he nya ngɛ yo ɔ sisi ɔ ngɔ fɔ tɛ ɔmɛ a nɔ.