Mose V, 10:22 - BAIBLO ALOO NGMAMI KLƆUKLƆU Ɔ

²² Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose V, 10:22 ပူးပေါင်းရင်းမြစ်များ

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 46:26

Yakob nina tsuo pɛpɛɛpɛ nɛ ya Egipt ɔ, ke a je e binyumu ɔmɛ a yi ɔmɛ kɛ je mi ɔ, a hiɛmi ji nyingmi ekpa kɛ ekpa.

Mose I, 46:27

Ke a kɛ Yosef binyumuhi enyɔ ɔmɛ nɛ a fɔ ngɛ Egipt ɔ piɛ he ɔ, Yakob we ɔ tsuo nɛ ya Egipt ɔ peeɔ nimli nyingmi kpaago.

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Mose II, 1:5

Yakob nina tsuo a yibɔ ji nyingmi kpaago; Yosef lɛɛ e ngɛ Egipt momo.

Mose IV, 26:51

Israel bi ɔmɛ a kpɛti nyumuhi nɛ a ngma a biɛ ɔ, mɛ tsuo pɛpɛɛpɛ a hiɛmi ji 601,730.

Mose IV, 26:62

Nyumuhi nɛ ngɛ Levi wɛtso ɔ mi, nɛ a ye kɛ je nyɔhiɔ kake kɛ yaa, nɛ a ngma a biɛ ɔ, a hiɛmi ji 23,000. A kane we mɛ kɛ piɛ we Israel bi kpa amɛ a he; ejakaa mɛɛ lɛɛ a ha we mɛ weto ní ko ngɛ Israel bi ɔmɛ a kpɛti.

Ni Tsumi 7:14

Jehanɛ Yosef tsɔ ke a ya ngɔ e tsɛ Yakob kɛ e we ɔ tsuo, nimli maa pee nyingmi kpaago kɛ enuɔ ɔ kɛ ba.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 1:11

Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Mose V, 28:62

E ngɛ mi kaa nyɛ ma ba fɔ babauu nɛ nyɛ he maa hiɛ kaa dodoehi ngɛ hiɔwe lɛɛ, se nyɛ ti nihi bɔɔ pɛ nɛ a yi ma na wami; ejakaa nyɛ bui Yawɛ, nyɛ Mawu ɔ gbi tue.

Hebribi 11:12

Enɛ ɔ he ɔ, Abraham nɔ kake too nɛ ngɛ kaa nɔ ko nɛ yi ta a, e nina ba hiɛ babauu kaa dodoehi ngɛ hiɔwe, loo wo nya zia nɛ hi kanemi.