Mose V, 10:21 - BAIBLO ALOO NGMAMI KLƆUKLƆU Ɔ

²¹ Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Mose V, 10:21 ပူးပေါင်းရင်းမြစ်များ

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

La 109:1

Mawu, i ngɛ o yi jee; koo pee dii.

La 145:6

Nihi maa fiɛ nyakpɛ ní, kɛ ní nguanguahi nɛ o pee ɔ, nɛ imi hu ma fiɛ ke o kle niinɛ.

La 148:14

E to e ma a sisi kɛ he wami saminya. lɔ ɔ he ɔ, e ma a tsuo ngɛ e yi jee; e ma a ji Israel, nɛ e he jua wa ha lɛ kaa nɔ́ ko. Nyɛ je Yawɛ yi!

La 22:3

Se kɛ̃ ɔ, mo ji Mawu klɔuklɔu ɔ nɛ hii si ngɛ matsɛ sɛ ɔ nɔ. Mo, o yi lɛ Israel jeɔ.

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose II, 34:10

Yawɛ de Mose ke “Hyɛ i kɛ Israel ma a ngɛ soe. Ma pee nyakpɛ níhi ngɛ a kpɛti nɛ eko bɛ hyɛ ngɛ je nɛ ɔ mi he ko he ko, aloo ngɛ ma ko ma ko mi. Je ma amɛ tsuo nɛ bɔle mo ɔ maa na ní nguahi nɛ imi Yawɛ, i ngɛ tsue; ejakaa nɔ́ nɛ i yaa pee ha mo ɔ he ngɛ gbeye.

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

Yesaya 64:3

Blema, benɛ o pee nyakpɛ níhi nɛ wa hyɛ we blɔ ɔ, o kple si kɛ ba; yo ɔmɛ mimiɛ ngɛ o hɛ mi!

Yeremia 17:14

Yawɛ, tsa mi, nɛ ye he mi nɛ wa mi kɛ pi si. He mi, konɛ ye yi nɛ na wami, ejakaa mo pɛ o yi i jeɔ.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yoshua 24:18

Yawɛ fie je ma amɛ, kɛ Amor bi ɔmɛ tsuo nɛ ngɛ zugba a nɔ ɔ kɛ je wa blɔ mi. Lɔ ɔ he ɔ, wɔ hu Yawɛ lɛ wa ma sɔmɔ; lɛ ji wa Mawu.”

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.