Mose V, 10:20 - BAIBLO ALOO NGMAMI KLƆUKLƆU Ɔ

²⁰ Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 10:20 ပူးပေါင်းရင်းမြစ်များ

Matsɛmɛ II, 18:6

E ngɔ e he ngɔ fɔ Yawɛ nɔ; e ye lɛ anɔkuale, nɛ mlaahi nɛ Yawɛ wo Mose ɔ, e ye lɛ tsuo pɛpɛɛpɛ nɔ.

La 63:11

Se matsɛ ɔ ma nya saminya; ejakaa Mawu haa e yeɔ kunimi. Nɔ tsuaa nɔ nɛ kɛ Mawu biɛ kaa kita a ma je Mawu yi boboobo, se lakpatsɛmɛ lɛɛ a ma ma a nya.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Luka 4:8

Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Mose V, 11:22

“Nyɛɛ hyɛ nɛ nyɛɛ ye mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ. Nyɛɛ suɔ Yawɛ, nyɛ Mawu ɔ, nɛ nyɛɛ pee nɔ́ tsuaa nɔ́ nɛ i fa nyɛ ke nyɛɛ pee ɔ, nɛ nyɛɛ ye lɛ anɔkuale.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

Mose V, 5:11

“ ‘Ko tsɛ Yawɛ, o Mawu ɔ biɛ yaka gu, ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

Yoshua 23:8

Mohu ɔ, nyɛɛ ye Yawɛ anɔkuale, kaa bɔ nɛ nyɛ ye lɛ anɔkuale kɛ ba su mwɔnɛ ɔ.

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”