Mose V, 10:17 - BAIBLO ALOO NGMAMI KLƆUKLƆU Ɔ

¹⁷ Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

Mose V, 10:17 ပူးပေါင်းရင်းမြစ်များ

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Romabi 2:11

Ejakaa Mawu hyɛ we nɔ hɛ mi.

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Efesobi 6:9

Nyɔmtsɛmɛ, nyɛɛ kɛ nyɛ nyɔguɛ ɔmɛ nɛ hi si ja nɔuu kɛ̃ nɛ nyɛɛ jɔɔ a susuma he gbeye womi. Nyɛ kai kaa nyɛɛ kɛ nyɛ nyɔguɛ ɔmɛ tsuo ɔ, Nyɔmtsɛ kake lɛ nyɛ ngɛ ngɛ hiɔwe, nɛ e hyɛ we nɔ hɛ mi.

Yoshua 22:22

“Yawɛ, Mawu Ope! Yawɛ Mawu Ope! Lɛ pɛ nɛ e le nɔ́ he je nɛ wa pee enɛ ɔ, nɛ wa suɔ kaa nyɛ hu nyɛɛ le! Ke wa tsɔ atuã, nɛ wa yi Yawɛ anɔkuale ɔ, lɛɛ nyɛɛ gbe wɔ!

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

La 99:3

Nihi tsuo ma je e biɛ kpetekpleenyɛ ɔ yi; a ma je e biɛ nɛ he ngɛ gbeye ɔ yi. E ngɛ klɔuklɔu!

Nehemia 1:5

“Yawɛ Mawu nɛ ngɛ hiɔwe lee! O kle, nɛ o he ngɛ gbeye. O yeɔ anɔkuale, nɛ o yeɔ o siwo nɔ. Nihi nɛ suɔ mo, nɛ a peeɔ níhi nɛ o fa ke a pee ɔ, o naa mɛ mɔbɔ.

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.

Kolosebi 3:25

Nɔ tsuaa nɔ nɛ peeɔ nɔ́ nɛ dɛ ɔ ma na e yayami ɔ he hiɔwo, ejakaa Mawu hyɛ we nɔ hɛ mi.

Marko 12:14

Benɛ a ba a, a de lɛ ke, “Tsɔɔlɔ, wa le kaa o yeɔ anɔkuale, nɛ o yi nɔ hɛ mi munyu tumi gbeye, ejakaa o hyɛ we nɔ hɛ mi; mohu, bɔ nɛ Mawu suɔ kaa adesa nɛ ba e je mi ɔ, lɔ ɔ pɛ o tsɔɔ ngɛ anɔkuale mi. Anɛ e da blɔ kaa a tsuɔ tó haa Kaisare ɔ, aloo e dɛ? Wa ha, loo wa ko ha?”

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Mose II, 23:8

Ko he nyɔ mi ní; ejakaa nyɔ mi ní hemi yuɔ tsɔli a hɛngmɛ, nɛ a plɛɔ dali a sane hɛ mi ngɔ buɔ si.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

Mose V, 24:17

“Ko plɛ nubwɔ nɛ ba ngɛ o ma a mi, kɛ awusa a sane hɛ mi kɛ bu si; nɛ ko he yalɔyo he ha nɔ́ kaa awaba tomi nɔ́.

Mose V, 27:25

“ ‘Mawu maa gbiɛ nɔ tsuaa nɔ nɛ heɔ nyɔ mi ní, nɛ e kɛ pueɔ nɔ ko nɛ pee we nɔ́ ko muɔ si.’ “Ma a tsuo ma he nɔ ke, ‘Amen!’

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

Daniel 2:45

O na hu kaa tɛ ko hia kɛ je yo ɔ mi nɛ nɔ ko nine sɛ́ he; tɛ nɛ ɔ ba fia amaga a nɛ a kɛ dade, akɔblee, zu, sika hiɔ, kɛ sika tsu pee ɔ. Mawu nɛ kle agbo ɔ je nɔ́ nɛ maa ba hwɔɔ se ɔ kɛ tsɔɔ mo. I sɛɛ nlami ɔ kɛ ha mo kaa bɔ nɛ o nla a sisiisi, nɛ i tsɔɔ mo sisi pɛpɛɛpɛ.”

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.