Mose V, 10:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Mose V, 10:16 ပူးပေါင်းရင်းမြစ်များ

Mose I, 17:11

Kɛ je mwɔnɛ ɔ kɛ yaa a, binyumuyo tsuaa binyumuyo nɛ ye ligbi kpaanyɔ ɔ, a po lɛ: nyɔguɛhi nɛ a fɔ mɛ ngɛ nyɛ we ɔmɛ a mi jio, ni nɛmɛ nɛ a he mɛ ngɛ nibwɔhi a dɛ jio. Enɛ ɔ maa tsɔɔ kaa somi ko ngɛ i kɛ nyɛ wa kpɛti.

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Mose V, 9:13

“Jehanɛ, Yawɛ de mi ke, ‘I le kaa ma nɛ ɔ kuɛ wa.

Mose V, 9:6

Nyɛ na nɛ nyɛɛ le kaa anɔkuale mi ɔ, pi nyɛ dami nɛ nyɛ da he je nɛ Yawɛ, nyɛ Mawu ɔ kɛ zugba nɛ baa ní saminya nɛ ɔ ngɛ nyɛ hae. Dɛbi, ma nɛ kuɛ wa ji nyɛ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.