Mose V, 1:8 - BAIBLO ALOO NGMAMI KLƆUKLƆU Ɔ

⁸ Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 1:8 ပူးပေါင်းရင်းမြစ်များ

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mose II, 33:1

Yawɛ de Mose ke, “Ma a nɛ o kpaka kɛ je Egipt zugba a nɔ ɔ, o kɛ mɛ nɛ je hiɛ ɔ kɛ ho zugba a nɛ i wo Abraham, Isak, kɛ Yakob si ke ma ngɔ kɛ ha a nina a nɔ ya.

Yeremia 32:22

O ha mɛ zugba kpakpa nɛ baa ní saminya nɛ ɔ kaa bɔ nɛ o wo a nɛmɛ ɔmɛ si ɔ.

Ezekiel 47:14

I wo nyɛ nɛmɛ ɔmɛ si ke ma ngɔ zugba nɛ ɔ kɛ ha mɛ, lɔ ɔ he ɔ, nyɛɛ dla lɛ pɛpɛɛpɛ ha nyɛ he, nɛ e pee nyɛ weto ní.

Mose IV, 14:23

nimli nɛ ɔmɛ a ti nɔ kake po be zugba a nɛ i ka kita ke ma ha a nɛmɛ ɔmɛ ɔ nae. Ni nɛmɛ nɛ kua mi ɔ, a ti nɔ ko nɔ ko be zugba a nae.

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

Mose V, 1:11

Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

Mose V, 1:35

‘Ke kikɛmɛ a yi nɔ yaya bi nɛ ɔmɛ a ti nɔ ko na zugba kpakpa nɛ i ka he kita ke ma ngɔ ha nyɛ nɛmɛ ɔmɛ ɔ fii!

Mose V, 10:11

Jehanɛ, Yawɛ de mi ke, ‘Yaa nɛ o ya nyɛɛ ma a hɛ mi kɛ ya ngɔ zugba a nɛ i ka a nɛmɛ ɔmɛ kita ngɛ he ke ma ngɔ ha mɛ ɔ.’

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Mose V, 11:9

Ke nyɛ pee ja a, nyɛ se maa kɛ ngɛ zugba kpakpa nɛ baa ní saminya nɛ Yawɛ wo si ke e ma ngɔ ha nyɛ nɛmɛ ɔmɛ kɛ a nina a nɔ.

Mose V, 2:29

Kaa bɔ nɛ Esau nina a nɛ ngɛ Edom yo ɔ nɔ, kɛ Moab bi ɔmɛ hu nɛ ngɛ Ar ɔ pee ha wɔ ɔ, mo hu ngmɛɛ wɔ blɔ kɛ ya si wa ma ya po Yordan pa a, kɛ ya zugba nɛ Yawɛ, wa Mawu ɔ ha wɔ ɔ nɔ.’

Mose V, 26:15

Moo je o hi he klɔuklɔu ngɛ hiɔwe ɔ nɛ o hyɛ, nɛ o gbaa o ma Israel. Moo gbaa zugba nɛ hi, nɛ baa ní saminya, nɛ o ngɔ ha wɔ nɛ ɔ nɔ kaa bɔ nɛ o wo wa nɛmɛ ɔmɛ si ɔ.’

Mose V, 26:3

Ngɔɔ kɛ ya osɔfo nɛ ngɛ sɔmɔe jamɛ a be ɔ ngɔ, nɛ o de lɛ ke, ‘Mwɔnɛ ɔ, i ngɛ odase yee ngɛ Yawɛ, ye Mawu ɔ hɛ mi kaa i ba su zugba a nɛ Yawɛ wo wa nɛmɛ si ke e kɛ ma ha wɔ ɔ nɔ.’

Mose V, 28:11

Yawɛ ma ha nyɛ bimɛ, we mi lohwehi, kɛ ngmɔ niba ní babauu ngɛ zugba nɛ e wo nyɛ nɛmɛ ɔmɛ si ke e maa ngɔ kɛ ha nyɛ ɔ nɔ.

Mose V, 29:12

Nyɛ ba hiɛmɛ nɛ ɔ, konɛ nyɛɛ fua ngɔ fɔ somi nɛ Yawɛ, nyɛ Mawu ɔ kɛ nyɛ ngɛ soe ɔ nɔ, nɛ nyɛɛ pɛtɛ níhi nɛ sa nɛ nyɛ tsu ngɛ mi ɔ a he.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 31:7

Jehanɛ, Mose tsɛ Yoshua nɛ e de lɛ ngɛ Israel ma kpekpemi ɔ hɛ mi ke, “O he nɛ wa, nɛ o pee kã; mo ji nɔ nɛ maa nyɛɛ Israel ma a hɛ mi kɛ ya ngɔ zugba a nɛ Yawɛ wo a nɛmɛ si ke e kɛ ma ha mɛ ɔ nɛ.

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 6:10

“Kaa bɔ nɛ Yawɛ wo nyɛ nɛmɛ Abraham, Isak, kɛ Yakob si ke e ma ha nyɛ zugba ko kɛ e nɔ mahi nɛ pi nyɛ nɛ nyɛ po,

Mose V, 7:12

“Ke nyɛ bu mlaa nɛ ɔmɛ tue, nɛ nyɛ ye a nɔ pɛpɛɛpɛ ɔ, lɛɛ Yawɛ, nyɛ Mawu ɔ maa ye somi nɛ e kɛ nyɛ so ɔ nɔ, nɛ e ma je e suɔmi nɛ ngɛ daa a kpo kɛ tsɔɔ nyɛ kaa bɔ nɛ e wo nyɛ nɛmɛ ɔmɛ si ɔ;

Mose V, 7:13

e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Mose V, 8:1

“Nyɛɛ ye mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ, konɛ nyɛ yi nɛ na wami, nɛ nyɛ he nɛ hiɛ, nɛ nyɛ ya ngɔ zugba a nɛ Yawɛ wo nyɛ nɛmɛ ɔmɛ si ke e ma ha mɛ ɔ.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

Hebribi 6:13

Benɛ Mawu wo Abraham si ɔ, e ka lɛ kita kɛ ma nɔ mi. Akɛnɛ nɔ ko be nɛ pe lɛ Mawu ɔ he je ɔ, e ngɔ lɛ nitsɛ e biɛ kɛ ka kita.

Hebribi 6:14

E de ke, “I ngɛ mo si woe kaa ma gbaa mo, nɛ ma ha o nina maa hiɛ babauu.”

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.