Mose V, 1:37 - BAIBLO ALOO NGMAMI KLƆUKLƆU Ɔ

³⁷ Nyɛ he ɔ, Yawɛ mi mi fu imi hulɔ, nɛ e de ke, ‘Mo Mose po, o be lejɛ ɔ sue.

Mose V, 1:37 ပူးပေါင်းရင်းမြစ်များ

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Mose IV, 27:18

Yawɛ de Mose ke, “Yaa ngɔ Nun binyumu Yoshua, nɛ o kɛ o nine pue e yi mi. Nɔmlɔ nɛ ɔ, ye mumi ɔ ngɛ e mi, nɛ e ma nyɛ ma tsu ní ɔ.

Mose V, 3:27

Kuɔ ɔ kɛ ya Pisga yo ɔ yi mi, konɛ o hyɛ kɛ o hɛngmɛ kɛkɛ, kɛ je beleku je kɛ ya bonyoku je, jehanɛ kɛ je omleyi je kɛ ya leneyi je. Hyɛ he tsuaa he saminya; ejakaa o be Yordan pa nɛ ɔ poe kɔkɔɔkɔ.

Mose V, 3:28

Wo Yoshua mlaa, nɛ o wo lɛ kã kɛ he wami; ejakaa lɛ ji nɔ nɛ maa nyɛɛ ma a hɛ mi kɛ po pa a kɛ ya ngɔ zugba a nɛ o ngɛ hyɛe ɔ.’

Mose V, 31:2

“Amlɔ nɛ ɔ, i ye jeha lafa kɛ nyingmi enyɔ, nɛ i be nyɛe ma pee nyɛ hɛ mi nyɛɛlɔ hu. Jehanɛ hu, Yawɛ de mi ke, i be Yordan pa a poe.

Mose V, 32:52

O maa na zugba a nɛ i ngɔ kɛ ngɛ Israel ma a hae ɔ ngɛ se lokoo; se zugba a nitsɛ lɛɛ o be nɔ yae.”

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose V, 4:21

Nyɛ he ɔ, Yawɛ, nyɛ Mawu ɔ mi mi fu mi, nɛ e ka kita ke i be Yordan pa a poe kɛ ya zugba kpakpa a nɛ e ngɔ kɛ ngɛ nyɛ hae ɔ nɔ.

Mose V, 4:22

Imi lɛɛ ma gbo ngɛ hiɛ ɔ, ngɛ zugba nɛ ɔ nɔ, nɛ i be Yordan pa a poe; se nyɛɛ lɛɛ nyɛ maa po pa a kɛ ya ngɔ zugba kpakpa a.