Mose V, 1:29 - BAIBLO ALOO NGMAMI KLƆUKLƆU Ɔ

²⁹ “Se i de nyɛ ke, ‘Nyɛ ko nu sawale, nɛ nyɛ ko ye mɛ gbeye.

Mose V, 1:29 ပူးပေါင်းရင်းမြစ်များ

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.