Mose V, 1:28 - BAIBLO ALOO NGMAMI KLƆUKLƆU Ɔ

²⁸ Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 1:28 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Ezekiel 21:7

Ke a bi mo nɔ́ nɛ ngɛ mo pee loko o ngɛ kɛmɛe kɛ aywilɛho wawɛɛ kikɛ nɛ ɔ, de mɛ ke sane nɛ ma a nya wa tsɔ. Nɔ tsuaa nɔ tsui maa po; nɔ tsuaa nɔ nine mi maa je wu; nɔ tsuaa nɔ maa pee vii ngɛ e mi; nɛ nakutso tsuaa nakutso mi maa jɔ kaa nyu. Be ɔ ma, e su ta, nɛ e maa ba mi amlɔ nɔuu.” Nyɔmtsɛ Yawɛ lɛ de.

Mose V, 1:29

“Se i de nyɛ ke, ‘Nyɛ ko nu sawale, nɛ nyɛ ko ye mɛ gbeye.

Mose V, 2:10

Oblai komɛ nɛ a tsɛɛ mɛ Emim bi hu hi Ar sa a; nɛ e mi nihi hiɛ. Oblai nɛ ɔmɛ ka kaa Anak bi ɔmɛ.

Mose V, 20:20

Se tsohi nɛ o le kaa a yi a yiblii ɔ, o ma nyɛ ma kɛ pee níhi nɛ a maa da nɔ kɛ sá ma a yi kɛ ya si be nɛ o maa ngɔ ma a.

Mose V, 20:8

“Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Mose V, 7:17

“Nyɛ ko de nyɛ he ke, ‘Ni ɔmɛ a he hiɛ pe wɔ, nɛ kɛ wa maa pee kɛ fie mɛ kɛɛ?’

Yoshua 11:22

Anak bi ɔmɛ a ti nɔ kake po píɛ ngɛ Israel bi ɔmɛ a zugba a nɔ; ja Gaza, Gat, kɛ Ashdod pɛ nɛ ni komɛ ngɛ.

Yoshua 14:8

Ye nyɛmimɛ ɔmɛ nɛ kɛ mi ya a ha ma a tsui po; se imi lɛɛ i bu Yawɛ, ye Mawu ɔ tue kɛ pi si.

Yoshua 15:14

Kaleb fie Anak binyumu etɛ ɔmɛ kɛ je ma a mi. Mɛ ji Sheshai, Ahiman, kɛ Talmai.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Manyadali 1:10

Jehanɛ, Yuda bi ɔmɛ ya tua Kanaan bi nɛ ngɛ Hebron nɛ sa a, e biɛ ji Kiriat Arba a, nɛ a gbe Sheshai, Ahiman, kɛ Talmai bi ɔmɛ.

Manyadali 1:20

A kɛ Hebron ha Kaleb kaa bɔ nɛ Mose fa mɛ ɔ; nɛ e fie Anak binyumu etɛ ɔmɛ kɛ je lejɛ ɔ.