Mose V, 1:1 - BAIBLO ALOO NGMAMI KLƆUKLƆU Ɔ

¹ Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Mose V, 1:1 ပူးပေါင်းရင်းမြစ်များ

Matsɛmɛ I, 11:18

A je Midian kɛ ho Paran ya; nɛ benɛ a ya su lejɛ ɔ, nyumuhi kpa komɛ ba piɛ a he. Nɛ́ a je lejɛ ɔ, a pue nɔ kɛ ho Egipt ya, nɛ a ya na Egipt matsɛ ɔ. Farao ɔ ha Hadad zugba, kɛ we, kɛ niye ní.

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Mose IV, 10:12

Kɛkɛ nɛ Israel bi ɔmɛ hia kɛ je Sinai nga a nɔ, nɛ a tsa a nyɛɛmi ɔ nɔ hluu kɛ ya si bɔku ɔ ya da si ngɛ Paran nga a nɔ.

Mose IV, 11:35

Lɔ ɔ se ɔ, ma a hia kɛ je lejɛ ɔ kɛ ho Hazerot ya, nɛ a ya to si ngɛ lejɛ ɔ.

Mose IV, 12:16

Lɔ ɔ se ɔ, ma a hia kɛ je Hazerot, nɛ a ya to si ngɛ Paran nga a nɔ.

Mose IV, 13:26

kɛ ba na Mose, kɛ Aaron, kɛ Israel ma kpekpemi ɔ tsuo ngɛ Paran nga a nɔ, ngɛ Kadesh. A gba mɛ nɔ́ nɛ a ya na ngɛ lejɛ ɔ, nɛ a ngɔ zugba a nɔ tso yiblii komɛ hu ba tsɔɔ mɛ.

Mose IV, 13:3

Mose tsɔ Israel ma nimeli ɔmɛ kɛ je Paran nga a nɔ kaa bɔ nɛ Yawɛ fa lɛ ɔ. A biɛhi, kɛ wɛtsohi nɛ a je mi ɔ ji nɛ ɔmɛ nɛ: WƐTSO WƐTSO NƆKƆTƆMA Ruben Shamua, Zakur bi ɔ Simeon Shafat, Hori bi ɔ Yuda Kaleb, Yefune bi ɔ Isakar Igal, Yosef bi ɔ Efraim Hoshea, Nun bi ɔ Benyamin Palti, Rafu bi ɔ Zebulun Gadiel, Sodi bi ɔ Manase Gadi, Susi bi ɔ Dan Amiel, Gemali bi ɔ Asher Setur, Mikael bi ɔ Naftali Nabi, Vofsi bi ɔ Gad Geuel, Maki bi ɔ.

Mose IV, 32:19

Jehanɛ, ke wɔɔ wa nine su wa blɔ fa mi nɔ́ ɔ nɔ ngɛ Yordan beleku je ngɛ hiɛmɛ nɛ ɔ, waa kɛ mɛ be weto ní ko he plee hu ngɛ Yordan pa a se.”

Mose IV, 32:32

Wa maa mia kpɛii kɛ po pa a kɛ nyɛɛ Yawɛ hɛ mi kɛ ya Kanaan zugba a nɔ, bɔ nɛ pee nɛ weto ní ɔ nɛ wa na ngɛ Yordan pa a se ɔ nɛ tlɔ wa dɛ.”

Mose IV, 32:5

Lɔ ɔ he ɔ, wa kpa mo pɛɛ, ha nɛ waa ngɔ zugba nɛ ɔ, nɛ e pee wa nɔ; koo ngɔ wɔ kɛ po Yordan pa a.”

Mose IV, 33:20

A hia kɛ je Rimon Perez, nɛ a ya to si ngɛ Libna.

Mose IV, 33:21

A hia kɛ je Libna, nɛ a ya to si ngɛ Risa.

Mose IV, 34:15

Wɛtso enyɔ kɛ fa amɛ na a blɔ fa mi nɔ́ ɔ ngɛ Yordan pa a se, ngɛ Yeriko hanɔ, ngɛ beleku je.”

Mose IV, 35:14

ma etɛ ngɛ Yordan se, kɛ etɛ hu ngɛ Kanaan zugba a nɔ.

Mose V, 2:8

“Kɛkɛ nɛ wa pue nɔ; wa si blɔ nɛ yaa Elat kɛ Eziongeber ma amɛ a mi ɔ, nɛ wa gu Ngo wo ɔ nya blɔ. Jehanɛ, wa plɛ kɛ gu omleyi je, kɛ beleku je a kpɛti blɔ kɛ yaa Moab nga a nɔ.

Mose V, 27:1

Jehanɛ, Mose kɛ Israel ma a tu munyu, nɛ ma nimeli ɔmɛ tsuo fi e se. Mose de ma a ke, “Nyɛɛ bu níhi nɛ i ngɛ nyɛ dee mwɔnɛ ligbi nɛ ɔ tue.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Mose V, 31:1

Mose tsa e munyu ɔ nɔ, nɛ e de Israel ma a ke,

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.