Mose IV, 9:15 - BAIBLO ALOO NGMAMI KLƆUKLƆU Ɔ

^15-16 Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.

Mose IV, 9:15 ပူးပေါင်းရင်းမြစ်များ

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

Nehemia 9:19

Jamɛ a be ɔ mi po, o ngmɛɛ we a he ngɛ nga kplanaa a nɔ; ejakaa o naa mɔbɔ saminya. O je we bɔku ɔ nɛ tsɔɔ mɛ blɔ piani ɔ, kɛ la a hu nɛ tsɔɔ mɛ blɔ nyɔ mi ɔ kɛ ji a he.

La 105:39

Mawu ha nɛ bɔku ba ha Israel bi ɔmɛ a he; e ha mɛ la, nɛ a kɛ hyɛ nɔ́ nyɔ mi.

La 78:14

Piani ɔ, e kɛ bɔku tsɔɔ mɛ blɔ, nyɔ mi lɛɛ e haa mɛ la nɛ hii kpɛe.

Mose II, 13:21

Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Mose II, 13:22

Piani ɔ, bɔku titima a ngɛ ma a hɛ mi, nɛ nyɔ mi ɔ, la titima a ngɛ ma a hɛ mi.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mose II, 40:2

“Kekleekle nyɔhiɔ ɔ we kekleekle ligbi ɔ nɔ ɔ, ngɔɔ kpe he bo tsu ɔ kɛ ma si.

Mose II, 40:34

Kɛkɛ nɛ bɔku ɔ ba ha kpe he bo tsu ɔ nɔ, nɛ Yawɛ hɛ mi nyami hyi lejɛ ɔ.

Mose II, 40:35

Enɛ ɔ he je ɔ, Mose nyɛ we nɛ e sɛ kpe he bo tsu ɔ mi.

Mose II, 40:38

Ngɛ Israel ma a blɔ nyɛɛmi ɔ tsuo mi ɔ, Yawɛ jeɔ e he kpo tsɔɔ mɛ ngɛ kpe he bo tsu ɔ yi mi; piani ɔ, a naa lɛ kaa bɔku, nɛ nyɔ mi lɛɛ a naa lɛ kaa la nɛ ngɛ tsoe.

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Mose IV, 10:34

Be tsuaa be nɛ a maa hia kɛ je a sito he ɔ, Yawɛ bɔku ɔ ma ba da a yi mi piani.

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Mose IV, 17:7

Mose muɔ tso ɔmɛ tsuo ya pue Yawɛ somi daka a hɛ mi ngɛ kpe he bo tsu ɔ mi.

1 Korintobi 10:1

Ye nyɛmimɛ, i suɔ kaa ma kai nyɛ nɔ́ nɛ ba wa nɛmɛ ɔmɛ nɛ nyɛɛ Mose se ɔ a nɔ. Mɛ tsuo a hi bɔku ɔ sisi, nɛ mɛ tsuo a po Wo Tsu ɔ.

Mose V, 1:33

be mi nɛ lɛɛ daa nɛ ɔ e nyɛɛ nyɛ hɛ mi kɛ ngɛ sito he hlae ha nyɛ. Nyɔ mi ɔ, e nyɛɛ nyɛ hɛ mi kɛ la titima, nɛ piani ɔ, e nyɛɛ nyɛ hɛ mi ngɛ bɔku titima mi kɛ tsɔɔ nyɛ blɔ.