Mose IV, 9:13 - BAIBLO ALOO NGMAMI KLƆUKLƆU Ɔ

¹³ Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose IV, 9:13 ပူးပေါင်းရင်းမြစ်များ

Mose II, 12:15

“Kɛ je kekleekle ligbi ɔ kɛ yaa si ligbi nɛ ji kpaago ɔ, nyɛɛ ye abolo kplolo. Nyɛ kpa masa peemi ngɛ we ɔmɛ a mi kɛ je kekleekle ligbi ɔ. Mo nɔ nɛ o maa ye masa nɔ́ ko ɔ, a ma je mo we kɛ je Israel.

Mose I, 17:14

Nyumu tsuaa nyumu nɛ a pui lɛ ɔ, a je lɛ we nɛ a ko bu lɛ ngɔ piɛ ye ma mi bi ɔmɛ a he hu, ejakaa e yi ye somi ɔ nɔ.”

Mose IV, 9:7

nɛ a ba de ke, “E ngɛ mi kaa wa ya ta nɔ gbogboe he nɛ wa he tsɔ we, se mɛni he je nɛ a tsiɔ wa nya kaa wɔɔ lɛɛ wa ko piɛ Israel bi kpa amɛ a he, nɛ́ waa ngɔ wa nike ní kɛ ba ha Yawɛ ngɛ be nɛ a to ɔ mi?”

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Hebribi 6:6

Kɛkɛ nɛ a gbee si. Jehanɛ ɔ nɛ a je blɔ ngɛ Mawu Bi ɔ sɛue ekohu, nɛ a ngɛ lɛ ahlua bɔe kikɛ nɛ ɔ, kɛ nɔ ko maa pee kɛɛ nɛ e ha a tsake a tsui?

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Ezekiel 23:49

Nɛ nyɛ, nyɛmiyi enyɔ nɛ ɔmɛ, ma gbla nyɛ tue kaa nyɛ bɔ ajuama nɛ nyɛ ya ja amagahi. Lɔ ɔ loko nyɛ maa le kaa imi ji Yawɛ.”

Mose IV, 19:13

Nɔ tsuaa nɔ nɛ maa ta nɔ gbogboe he, nɛ e kɛ nyu nɛ a kɛ fɔɔ nɔ he yayami nɛ ɔ be e he julaae ɔ, e he tsɔ we; mu ngɛ e he. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose IV, 5:31

A be nyumu ɔ fɔ ko bue; se ke yo ɔ ye fɔ ɔ, sɔ̃ ɔ maa tloo lɛ yo ɔ.”

Mose III, 20:20

Ke nyumu ko kɛ e tsɛ nyɛminyumu e yo na bɔmi ɔ, e pue e tsɛ nyɛminyumu ɔ hɛ mi si. E kɛ yo ɔ tsuo a musu tloo mɛ; a be fɔe kɛ yaa si a gbenɔ be.

Mose III, 17:10

Ke Israel fɔfɔɛ ko, aloo nɔ ko nɛ ba to nyɛ nubwɔ ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Mose II, 12:19

Nɔ ko nɛ ko to masa ngɛ e we mi ligbi kpaago. Nɔ tsuaa nɔ nɛ maa ye masa nɔ́ ko ɔ, nubwɔ ji lɛ jio, we no ji lɛ jio, a je lɛ we.

Mose II, 12:47

Israel ma a tsuo nɛ ye nyami be nɛ ɔ.

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Mose II, 30:38

Nɔ tsuaa nɔ nɛ maa pee nu nɛ ɔ eko nɛ e ma kpa a, a je lɛ we, nɛ a ko bu lɛ ngɔ si ye ma mi bi ɔmɛ a nɔ hu.”

Mose III, 24:15

Jehanɛ, de Israel ma a tsuo ke, nɔ tsuaa nɔ nɛ maa gbiɛ Mawu ɔ, e musu tloo lɛ;

Mose IV, 19:20

“Nɔmlɔ nɛ ble e he, se e julaa we e he ɔ, mu ngɛ e he, nɛ e he tsɔ we; ejakaa a kɛ nyu nɛ a kɛ fɔɔ nɔ he yayami ɔ pue we e nɔ. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.