Mose IV, 8:8 - BAIBLO ALOO NGMAMI KLƆUKLƆU Ɔ

⁸ Jehanɛ, ha nɛ a ngɔ na niheyo kake, kɛ niye ní bɔ ɔ, nɛ ji mamu bukɔbukɔ nɛ a futu mi nu ɔ kɛ ba. Ngɔɔ na niheyo kpa nɛ o kɛ sã yayami pami bɔ.

Mose IV, 8:8 ပူးပေါင်းရင်းမြစ်များ

Mose III, 2:1

Ke nɔ ko ngɔ niye ní kɛ ma bɔ sami ha Yawɛ ɔ, é wɛɛ lɛ bukɔbukɔ kɛ pee mamu. E pue nɔ oliv nu, kɛ tsopa kɛ e he via,

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Mose III, 16:3

E ma nyɛ maa ya he klɔuklɔu pe kulaa a ke e hɛɛ na niheyo kɛ ha yayami pami bɔ sami, nɛ e hɛɛ agbosu hu kɛ ha sami bɔ.”

Mose III, 8:2

“Ngɔɔ Aaron kɛ e binyumu ɔmɛ, a tade ɔmɛ, nɔ pɔmi nu ɔ, na ku ɔ nɛ a kɛ maa sã yayami pami bɔ ɔ, agbosu enyɔ ɔmɛ, kɛ kusii kɛ e mi abolo kplolo ɔ kɛ ba kpe he bo tsu ɔ sinya a nya;

Mose III, 4:14

ke a na le kaa a tɔ̃ ɔ, ma a nɛ ngɔ na ku kake kɛ ba sã yayami pami bɔ. Á ngɔ lohwe ɔ kɛ ba kpe he bo tsu ɔ hɛ mi.

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose II, 29:3

nɛ o ngɔ mɛ kɛ wo kusii mi nɛ o hɛɛ kɛ ba, kɛ na a, kɛ agbosu enyɔ ɔmɛ.

Mose II, 29:1

“Enɛ ɔ ji nɔ nɛ ó pee nɛ o kɛ tsukɔ Aaron kɛ e binyumu ɔmɛ a he nɛ a sɔmɔ mi kaa ye we osɔfohi. Ngɔɔ na niheyo kake, kɛ agbosu enyɔ nɛ kpa be a he.