Mose IV, 8:7 - BAIBLO ALOO NGMAMI KLƆUKLƆU Ɔ

⁷ Bɔ nɛ o maa pee kɛ tsukɔ a he ji nɛ ɔ nɛ: ngɔɔ nyu ɔ nɛ a kɛ jeɔ yayami ɔ ngɔ fĩa a nɔ. Ha nɛ nɔ tsuaa nɔ nɛ ngɔ asoyi kɛ sɛ bwɔmi tsuo ngɛ e nɔmlɔ tso ɔ he, nɛ a fɔ a tade ɔmɛ a he. Ke a pee ja a, a he ma tsɔ.

Mose IV, 8:7 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Mose III, 15:27

Nɔ tsuaa nɔ nɛ maa ta ní nɛ ɔmɛ a he ɔ, e he be tsɔe. Nɔ ɔ nɛ fɔ e tade ɔmɛ a he, nɛ e du e he. E he be tsɔe kɛ yaa si du ma bu.

Mose III, 15:6

Nɔ tsuaa nɔ nɛ maa hi nɔ́ ko nɛ nɔ nɛ nyu yaya ngɛ bee ngɛ e he ɔ hi nɔ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu.

Mose III, 16:28

Nɔ nɛ maa sã ní nɛ ɔmɛ ɔ, é fɔ e tade ɔmɛ a he, nɛ é du e he loko é ba ma sito he ɔ.

Mose III, 8:6

Mose ngɔ Aaron kɛ e binyumu ɔmɛ kɛ ba nɛ e ba du a he ha mɛ.

Mose IV, 19:13

Nɔ tsuaa nɔ nɛ maa ta nɔ gbogboe he, nɛ e kɛ nyu nɛ a kɛ fɔɔ nɔ he yayami nɛ ɔ be e he julaae ɔ, e he tsɔ we; mu ngɛ e he. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose IV, 31:20

Jehanɛ, nyɛɛ tsukɔ heha ní tsuo a he, kɛ níhi tsuo nɛ a ngɔ lohwe he womi, aloo to akpakpo he bwɔmi kɛ pee, aloo níhi nɛ a kɛ tso kpɛ.”

Mose IV, 8:21

Benɛ Levi bi ɔmɛ tsukɔ a he kɛ je a yayami ɔmɛ a he, nɛ a fɔ a tade ɔmɛ a he ta a, Aaron ngɔ mɛ kɛ ba ha Yawɛ kaa nike ní klɛdɛɛ. E pee kusumi kɛ kpata Yawɛ ha mɛ nɛ e kɛ tsukɔ a he.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Hebribi 9:13

To kɛ na muɔ, kɛ na bi nɛ a sã a la zu ji níhi nɛ a kɛ fĩaa nihi nɛ ble a he ɔ a nɔ, nɛ a kɛ tsuɔ a nɔmlɔ tso ɔ he ngɛ he lo blɔ fa mi.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.